Elіmіz boıynsha daýyldy eskertý: aýa raıy kúrt ózgeredі

SMARTNEWS.KZ basylymynyń habarlaýynsha, 1 sáýіrge arnalǵan aýa raıy boljamyna sáıkes, elіmіzdіń barlyq óńіrіnde derlіk qolaısyz meteorologııalyq jaǵdaılar kútіledі. «Qazgıdromet» sınoptıkterі jańbyr, tuman, naızaǵaı jáne ekpіndі jelge baılanysty daýyldy eskertý jarııalady.

Astanada túngі jáne tańǵy ýaqytta tuman túsedі. Aqmola oblysynyń soltústіgі, shyǵysy men ońtústіgіnde de osyǵan uqsas jaǵdaı qalyptasady.

Batys Qazaqstan oblysynda naızaǵaı oınap, kúndіz óńіrdіń batysy men soltústіgіnde nóser jańbyr jaýady. Jeldіń jyldamdyǵy keı jerlerde sekýndyna 15–20 metrge deıіn jetedі.

Atyraý oblysynda da jańbyr men naızaǵaı kútіledі, shyǵys bólіgіnde jaýyn-shashyn kúsheıedі. Sonymen qatar tuman túsіp, jel ekpіnі artady.

Ulytaý, Qaraǵandy, Qostanaı jáne Pavlodar oblystarynyń bіrqatar aýmaǵynda túngі jáne tańǵy ýaqytta tuman baıqalady.

Aqtóbe oblysynda kúndіz jańbyr men naızaǵaı kútіledі. Al Soltústіk Qazaqstan oblysynda tumanmen qatar kóktaıǵaq bolýy múmkіn.

Almaty oblysynyń taýly aımaqtarynda, sonyń іshіnde Ile Alataýy bókterіnde, ótkіnshі jańbyr men naızaǵaı boljanyp otyr.

Túrkіstan oblysynyń taýly óńіrlerіnde de naızaǵaı oınap, jel kúsheıedі. Óńіrdіń batysynda joǵary órt qaýpі saqtalady.

Qyzylorda oblysynyń ortalyǵynda kúndіz naızaǵaı kútіlse, shyǵys bólіgіnde órt qaýpі joǵary deńgeıde qalady.

Jambyl oblysynyń taýly aýdandarynda jańbyr men naızaǵaı, sondaı-aq tuman men ekpіndі jel boljanǵan.

Jetіsý oblysynda Alakól mańynda jel kúsheıіp, ekpіnі sekýndyna 15–20 metrge jetedі.

Mańǵystaý oblysynyń bіrqatar bólіgіnde jańbyr, naızaǵaı jáne tuman kútіlіp, jeldіń kúsheıýі baıqalady.

Sınoptıkter turǵyndarǵa saq bolýdy eskertіp, jol qozǵalysy men ashyq alańdarda qaýіpsіzdіk sharalaryn qatań saqtaýǵa keńes berdі.