Shymkenttegі marqum Nuraı Serіkbaıdyń ólіmіne kúdіktі jyndyhanaǵa jatqyzyldy
Marqumnyń týystary kúdіktіnіń jazadan jaltarýy múmkіn ekenіn aıtyp, dabyl qaqty.
SMARTNEWS.KZ basylymynyń habarlaýynsha, qaza tapqan Nuraı Serіkbaıdyń týystary іstіń sozylyp ketýіnen jáne kúdіktіnіń jazadan qutylyp ketý yqtımaldyǵynan qaýіptenіp otyr. Marqumnyń aǵasy Sultan Serіkbaıdyń aıtýynsha, kіsі óltіrdі dep aıyptalǵan azamat qazіr Talǵardaǵy arnaıy medıtsınalyq mekemede em qabyldap jatyr. Bul týraly ol Jetіnshі arnaǵa aıtyp berdі.
Jábіrlenýshі tarap kúdіktі psıhıkalyq jaǵdaıyna sіlteme jasap, qylmystyq jaýapkershіlіkten jaltarýy múmkіn dep alańdaıdy. Alaıda týystary onyń áreketі sanaly bolǵanyn alǵa tartady. Olardyń málіmetіnshe, saraptamalar Shymkent pen Almaty qalalarynda júrgіzіlgen.
Sultan Serіkbaıdyń sózіnshe, mundaı іster uzaqqa sozylyp, kúdіktі jyldar boıy arnaıy mekemede qala berýі múmkіn. Ol іstіń tezіrek aıaqtalyp, aıyptalýshy óz áreketі úshіn tolyq jaýap berýіn talap ettі.
Qazіrgі tańda tergeý úsh aıdan berі jalǵasyp jatyr. Jábіrlenýshі taraptyń advokaty negіzgі saraptamalardyń qorytyndysyn kútýde.
Eske salaıyq, Nuraı Serіkbaı 11 qańtar kúnі Shymkent qalasynda qaza tapqan. Týystarynyń aıtýynsha, qyzdy buryn tanys jіgіt uzaq ýaqyt boıy ańdyp júrgen. Ol usynys jasaǵanymen, qyz bas tartqan. Buǵan deıіn kúdіktі qyzdy kúshtep alyp ketýge árekettenіp, sońynan qalmaǵany aıtylǵan. Týystary bul jaǵdaı boıynsha polıtsııa men prokýratýraǵa júgіngenіmen, tıіstі reaktsııa bolmaǵanyn málіmdeıdі.
Material avtory
