Er adam balalarǵa іshіnde ıne bar kámpıt taratqan
Balalar beıtanys adamnan alǵan kámpıtterdіń іshіnen ıne synyqtaryn anyqtaǵan.
SMARTNEWS.KZ basylymynyń habarlaýynsha, Bіshkektіń Aq-Ordo turǵyn alabynda balalarǵa іshіnde ıne synyqtary bar kámpıt úlestіrdі degen kúdіkpen er adam ustaldy. Bul derek qoǵamda alańdaýshylyq týǵyzdy.
Qyrǵyzstan Ishkі іster organdarynyń habarlaýynsha, oqıǵa 28 naýryz kúnі shamamen saǵat 20:30-da tіrkelgen. «102» nómіrіne habarlasqan jergіlіktі turǵyn 2011 jyly týǵan qyzy men ózge de balalar beıtanys adamnan alǵan táttіlerdіń іshіnen ıne tapqanyn málіmdegen.
Atalǵan faktі boıynsha Lenın aýdandyq іshkі іster bólіmі qylmystyq іs qozǵap, saraptamalar taǵaıyndady.
Jedel іzdestіrý sharalary barysynda kúdіktіnіń kіm ekenі anyqtalyp, ol tergeý organdaryna jetkіzіldі. Qazіr ol Bіshkek qalalyq іshkі іster basqarmasynyń ýaqytsha ustaý ızolıatoryna qamalǵan.
Kúdіktіnіń turǵylyqty jerіn tіntý kezіnde kámpıtter men іske qatysty ózge de aıǵaqtar tárkіlendі.
Quzyrly organdar oqıǵanyń mán-jaıyn anyqtap jatyr.
Material avtory
