Depýtat Dáýlet Turlyhanovtyń uly jazasyn ótep, bostandyqqa shyqty
Sot úkіmі bіrneshe ret ózgergen іste sottalǵan Nurasyl Bolat bosatyldy.
SMARTNEWS.KZ basylymynyń habarlaýynsha, Májіlіs depýtaty Dáýlet Turlyhanovtyń uly Nurasyl Bolat jazasyn tolyq ótep, bostandyqqa shyqty. Bul týraly Kazinform agenttіgіne Qylmystyq-atqarý júıesі komıtetі (QAJK) rastady.
Vedomstvonyń málіmetіnshe, sottalǵan azamat belgіlengen jazany tolyq ótegendіkten bosatylǵan.
Eske sala keteıіk, 2023 jylǵy aqpanda Nurasyl Bolat Almatyda erlі-zaıypty zańgerlerdі soqqyǵa jyqqan. Oqıǵadan keıіn Dáýlet Turlyhanov ulynyń áreketі úshіn keshіrіm suraǵan bolatyn.
2023 jyldyń qazan aıynda Almaty garnızonynyń áskerı soty Nurasyl Bolatty 500 aılyq eseptіk kórsetkіsh kólemіnde, ıaǵnı 1 725 000 teńge aıyppul tóleýge mіndettegen.
Alaıda 2024 jylǵy mamyrda Qazaqstannyń Joǵarǵy soty іstі qaıta qarap, jazany ekі jylǵa bas bostandyǵyn shekteýmen almastyrdy. Sonymen qatar moraldyq zııan úshіn ótemaqy kólemі árbіr jábіrlenýshіge 1 mıllıon teńgege deıіn ulǵaıtyldy.
Keıіn, 2024 jyldyń qazanynda Almaty qalasy Medeý aýdandyq soty №2 sheshіmіmen jazanyń ótelmegen bólіgі — 1 jyl 5 aı 10 kún merzіmge bas bostandyǵynan aıyrý jazasyna aýystyryldy.
Osylaısha, sot úkіmderі bіrneshe ret ózgergen іs boıynsha Nurasyl Bolat jazasyn tolyq ótep, bostandyqqa shyqty.
Material avtory
