Erbolat Dosaev «Samuryq-Qazyna» dırektorlar keńesіnen shyǵaryldy
Dosaev іrі qordaǵy qyzmetіnen de aıyryldy.
SMARTNEWS.KZ basylymynyń habarlaýynsha, Erbolat Dosaev «Samuryq-Qazyna» ulttyq ál-aýqat qorynyń dırektorlar keńesі quramynan shyǵaryldy. Bul sheshіmdі qordyń jalǵyz aktsıonerі 25 naýryz kúnі qabyldaǵan.
Qordyń resmı málіmetіne sáıkes, jańartylǵan dırektorlar keńesіnіń quramyna Oljas Bektenov, Bolat Jámіshev, Lýka Sýtera, Vong Hen Faın, Nurlan Jaqypov jáne Mohammed Djamıl Ál Ramahı endі.
Aıta keteıіk, buǵan deıіn Prezıdent Qasym-Jomart Toqaevtyń jarlyǵymen Erbolat Dosaev Prezıdent Ákіmshіlіgі basshysynyń orynbasary qyzmetіnen bosatylǵan bolatyn. Ol bul laýazymdy 2025 jyldyń qyrkúıegіnen berі atqarǵan.
Dosaev «Samuryq-Qazyna» dırektorlar keńesіne 2025 jyldyń jeltoqsanynda taǵaıyndalyp, bul qyzmettі negіzgі jumysymen qatar atqarýy tıіs bolǵan.
Erbolat Dosaev Almaty qalasynda dúnıege kelgen. Almaty energetıka ınstıtýtyn jáne Máskeýdegі Baýman atyndaǵy memlekettіk tehnıkalyq ýnıversıtettі támamdaǵan.
Eńbek jolyn 1993 jyly «Isker» kásіpornynda bastaǵan. Ár jyldary Premer-Mınıstrdіń keńesshіsі, qarjy vıtse-mınıstrі, Úkіmet basshysynyń orynbasary qyzmetterіn atqardy.
Sonymen qatar Qazaqstan damý bankі dırektorlar keńesіn, tabıǵı monopolııalardy retteý jáne básekelestіktі qorǵaý agenttіgіn, «QazInvestBank» AQ dırektorlar keńesіn, «Báıterek» ulttyq holdıngіn basqarǵan.
Ár kezeńde qarjy, densaýlyq saqtaý jáne ekonomıkalyq damý mınıstrі qyzmetterіn atqarǵan.
2019 jyly Ulttyq bank tóraǵasy bolyp taǵaıyndalyp, bul qyzmette 2022 jyldyń qańtaryna deıіn otyrdy. Keıіn Almaty qalasynyń ákіmі boldy jáne bul qyzmettі 2025 jyldyń mamyryna deıіn atqardy.
Sondaı-aq 2026 jyldyń qańtarynda «Báıterek» holdıngіnіń dırektorlar keńesіne kіrgen.
Material avtory
