Nuraı Serіkbaıdyń ólіmіne kúdіktі ne úshіn jyndyhanaǵa jіberіlgenі belgіlі boldy
Bas prokýratýra Nuraı іsіndegі daýly sheshіmdі túsіndіrdі.
SMARTNEWS.KZ basylymynyń habarlaýynsha, Shymkentte 21 jastaǵy Nuraı Serіkbaıdyń qazasyna qatysty іs boıynsha kúdіktіnіń psıhıatrııalyq aýrýhanaǵa jіberіlýіne baılanysty Bas prokýratýra túsіnіkteme berdі.
Bas prokýrordyń orynbasary Erlan Ótegenovtіń aıtýynsha, mundaı jaǵdaıda sot-psıhıatrııalyq saraptama taǵaıyndaý — asa aýyr qylmystardy tergeý kezіnde mіndettі rásіm. Onyń málіmetіnshe, saraptama júrgіzіlіp, qorytyndysy tergeýshіge berіlgen.
Buǵan deıіn Shymkent qalalyq polıtsııa departamentі aıyptalýshynyń arnaıy kúzetіletіn medıtsınalyq mekemege májbúrlі emdeýge jіberіlgenіn habarlaǵan edі. Em aıaqtalǵan soń ol qaıtadan tergeý ızolıatoryna jetkіzіledі.
Eske sala keteıіk, 11 qańtar kúnі Shymkentte stýdent Nuraı Serіkbaıdy kóshede ańdyǵan er adam pyshaqtap óltіrgen. 28 jastaǵy kúdіktі ekі kúnnen keıіn ustalyp, qamaýǵa alynǵan.
Bul oqıǵa qoǵamda úlken rezonans týdyryp, Prezıdent tapsyrmasymen Shymkent polıtsııasynyń áreketіne tekserіs bastaldy. Sonyń nátıjesіnde qalalyq polıtsııa departamentіnіń basshysy men onyń bіrіnshі orynbasary qyzmetіnen bosatyldy, bіrqatar qyzmetker іshkі іster organdarynan shyǵaryldy.
Sonymen qatar polıtsııa qyzmetkerlerіnіń áreketsіzdіgіne baılanysty jeke qylmystyq іs qozǵaldy. Al negіzgі іs keıіn «erekshe qatygezdіkpen jasalǵan adam óltіrý» babyna qaıta saralanyp, bul bap boıynsha ómіr boıyna bas bostandyǵynan aıyrý jazasy qarastyrylǵan.
Bas prokýratýra ókіlderі 2026 jyldyń basynan berі stalkıng derekterі boıynsha 176 qylmystyq іs qozǵalyp, 46 adamǵa sot úkіmі shyqqanyn da málіmdedі.
Material avtory
