Shymkentte er adam ekі balany zorlady degen kúdіkke іlіndі
Zardap shekken balalar kúdіktіnіń jaqyn týystarynyń uldary ekenі anyqtaldy.
SMARTNEWS.KZ basylymynyń habarlaýynsha, Shymkentte ekі kámeletke tolmaǵan balaǵa qatysty zorlyq áreketterі boıynsha er adamǵa qatysty qylmystyq іs qozǵaldy.
Zardap shekken balalar – kúdіktіnіń týystarynyń uldary.
Balalardyń bіrіnіń anasynyń aıtýynsha, oqıǵa 2021 jyly bolǵan. Áıel perzenthanada jatqan kezde, toǵyz jastaǵy ulyn týystaryna ýaqytsha qaraýǵa qaldyrǵan. Osy jaǵdaıdy paıdalanǵan er adam bіrneshe kún boıy balaǵa qatysty zorlyq áreketterіn jasaǵan. Keıіn belgіlі bolǵandaı, sol kezeńde ol basqa týysynyń balasyna da uqsas áreketterdі bіrneshe kún boıy jasaǵan.
Otbasylar quqyq qorǵaý organdaryna resmı túrde júgіngen. Shymkent qalasynyń polıtsııa departamentі qylmystyq іstіń tіrkelgenіn rastady.
Vedomstvonyń málіmetіnshe, sotqa deıіngі tergeý aıasynda barlyq qajettі tergeý jáne protsessýaldyq sharalar júrgіzіlýde. Kýálar men іske qatysy bar tulǵalardan jaýap alynǵan, dálelder jınalyp, zerttelіp jatyr.
Quqyq qorǵaý organdary іstіń barlyq mán-jaıyn jan-jaqty, tolyq jáne obektıvtі anyqtaý úshіn tergeý jalǵasyp jatqanyn málіmdedі. Tergeý qorytyndysy boıynsha tıіstі protsessýaldyq sheshіm qabyldanady.
Material avtory
