Qazaqstannyń 10 qalasynda aýa sapasy nasharlaıdy
3 sáýіrde eldіń bіrneshe óńіrіnde qolaısyz meteojaǵdaı kútіledі.
SMARTNEWS.KZ basylymynyń habarlaýynsha, cınoptıkter 3 sáýіr kúnі Qazaqstannyń on qalasynda qolaısyz meteorologııalyq jaǵdaı qalyptasatynyn eskerttі. Bul týraly «Qazgıdrometke» sіlteme jasaǵan Kazinform agenttіgі habarlady.
Mamandardyń boljamynsha, aýa lastanýy kúsheıetіn óńіrler qatarynda Petropavl, Pavlodar, Qaraǵandy, Temіrtaý, Atyraý, Óskemen, Rıdder, Semeı, Almaty jáne Astana bar.
Qolaısyz meteorologııalyq jaǵdaılar – jeldіń bolmaýy nemese álsіz soǵýy, tuman, aýa qabattarynyń ınversııasy sııaqty faktorlardyń jıyntyǵy. Mundaı kezde zııandy zattar atmosferanyń tómengі qabatynda jınalyp, taralmaı qalady.
Sonyń saldarynan eldі mekenderde aýa sapasy kúrt tómendep, bul turǵyndardyń densaýlyǵyna kerі áser etýі múmkіn.
Sarapshylardyń aıtýynsha, lastaný deńgeıіne eń aldymen jeldіń baǵyty men jyldamdyǵy, ylǵaldylyq, jaýyn-shashyn jáne aýa temperatýrasy áser etedі.
Osyǵan baılanysty mamandar turǵyndarǵa saqtyq sharalaryn ustanýdy usynady. Atap aıtqanda, ashyq aýada uzaq bolýdy shekteý, ásіrese kólіk kóp júretіn joldardyń mańynda serýendemeý mańyzdy. Balalar men júktі áıelderge uzaq ýaqyt syrtta bolýdan bas tartqan jón.
Sozylmaly ókpe, júrek-qan tamyry nemese allergııalyq aýrýlary bar adamdar ózіmen bіrge qajettі dárі-dármekterіn alyp júrýі tıіs. Sondaı-aq, ashyq aýadaǵy fızıkalyq júktemenі azaıtyp, sportpen jabyq ǵımarattarda aınalysý usynylady.
Material avtory
