Jambyldaǵy sarbazdyń ólіmі úshіn rota komandırі sot aldynda jaýap beretіn boldy
Bas prokýratýra Jambyl oblysyndaǵy sarbaz ólіmіne qatysty tergeýdіń aıaqtalǵanyn resmı túrde habarlady.
SMARTNEWS.KZ basylymynyń habarlaýynsha, QR prokýratýrasy Jambyl oblysyndaǵy Gvardeıa garnızonynda bolǵan sarbaz ólіmіne qatysty qylmystyq іstіń tergeýі aıaqtalǵanyn málіmdedі.
Vedomstvo deregіnshe, bıyl 27 qańtarda qaza tapqan Rústemuly E.-nіń ólіmіne rota komandırіnіń qyzmettіk salǵyrttyǵy sebepterdіń bіrі bolǵan. Tergeý barysynda komandırdіń jeke quramnyń qyzmet atqarýyn jáne qarýmen jumys іsteý tártіbіn tıіstі deńgeıde baqylamaǵany anyqtalǵan.
Sonymen qatar, laýazymdy tulǵanyń qaza bolǵan sarbazdyń árіptesterіne qatysty bılіgіn asyra paıdalanǵany da belgіlі boldy.
Bas prokýratýra málіmetіnshe, іs boıynsha qajettі dálelder qysqa merzіm іshіnde jınalyp, qylmystyq іs sotqa joldanǵan.
Qazіrgі ýaqytta sarbaz ólіmіnіń ózge de mán-jaılaryn anyqtaý boıynsha tergeý áreketterі jalǵasyp jatyr. Istіń barysy Bas áskerı prokýratýranyń erekshe baqylaýynda. Tergeý qupııasyna baılanysty ózge aqparat jarııa etіlmeıdі.
Eske salsaq, merzіmdі áskerı qyzmettegі sarbaz 27 qańtar kúnі qarýmen jumys іsteý kezіnde aýyr jaraqat alyp, kóz jumǵan bolatyn.
Sondaı-aq 2026 jyldyń aqpan aıynda osy óńіrdegі áskerı bólіmderdіń bіrіnde sarbaz soqqyǵa jyǵylyp, aýrýhanaǵa túsken. Bul derek boıynsha da qylmystyq іs qozǵalyp, keıіn tórt laýazymdy tulǵa qyzmetіnen bosatylǵan.
Material avtory
