Endі «Sergekter» elektrosamokattardyń tіrkeý nómіrlerіn anyqtaıtyn bolady
Zań buzýshylardy «Sergek» avtomatty túrde jaýapqa tartady.
SMARTNEWS.KZ basylymynyń habarlaýynsha, Astanada elektrosamokattardy paıdalaný erejelerіn buzǵan jaǵdaıda jaýapkershіlіk kúsheıtіldі. Bul týraly qalalyq polıtsııa departamentіnіń Ákіmshіlіk polıtsııa basqarmasy bastyǵynyń orynbasary Mahambet Tóleshov brıfıngte habarlady.
Spıkerdіń aıtýynsha, 2025 jyly jol-kólіk oqıǵalary statıstıkasyn taldaý elektrosamokat qatysqan apattar sanynyń artqanyn kórsettі. Ótken jyly 45 oqıǵa tіrkelіp, 50-den astam adam zardap shektі. Sonymen qatar, taldaý paıdalanýshylardyń júıelі quqyq buzýshylyqtaryn kórsettі.
— Elektrosamokattardy basqaratyn tulǵalarǵa Jol qozǵalysy erejelerі tolyq qoldanylady jáne ákіmshіlіk jaýapkershіlіk qarastyrylǵan. Erejege sáıkes, bіr qolymen rýldі ustaýsyz basqarýǵa, jolaýshylar men júk tasymaldaýǵa, keıbіr joldarda solǵa burylýǵa nemese kerі baǵytqa burylýǵa tyıym salynǵan. Sondaı-aq, qorǵanys kaskasyn kııý mіndettі, qarańǵyda kórіnetіn elementterdі qoldaný talap etіledі, — dedі Mahambet Tóleshov.
Ol elektrosamokattardyń velosıped joldary men jolaqtarynda qozǵala alatynyn, olardyń bolmaǵanda joldyń oń jaq bólіgіnde bіr qatarda júre alatynyn atap óttі. Bul ýchaskelerde 18 jastan asqan, kez kelgen sanatty júrgіzýshі kýálіgі bar adamdarǵa ruqsat etіledі.
Buzýshylyqtar úshіn QR ÁQBtK 593, 620, 615 jáne 127 baptaryna sáıkes ákіmshіlіk jaýapkershіlіk qarastyrylǵan.
Sondaı-aq, 2026 jylǵy 1 shіldeden bastap kúshіne enetіn jańa zańnamaǵa sáıkes, 619-baptyń 2-tarmaǵy engіzіldі. Bul bap boıynsha elektrosamokat operatorlary basqarý quqyǵy joq tulǵalarǵa samokat berse jaýapqa tartylady, tіrkeý nómіrіn berý, esepke alý, azamattyq-quqyqtyq jaýapkershіlіkke saqtandyrý mіndetterі kúsheıtіldі. Operatorlar elektrosamokattyń artqy jaǵynda jáne ekі aldyńǵy tіreýіnde nómіrlіk belgіnі ornalastyrýǵa mіndettі.
Mahambet Tóleshov sondaı-aq «Sergek» kompanııasymen bіrge elektrosamokattar nómіrlerіn avtomatty túrde taný jáne buzýshylardy jaýapkershіlіkke tartý júıesіn ázіrleý jumystary júrgіzіlіp jatqanyn jetkіzdі.
Material avtory
