Iran AQSh áskerı ushaǵyn atyp túsіrgenіn málіmdedі

SMARTNEWS.KZ basylymynyń habarlaýynsha, Iran bılіgі el aýmaǵynda AQSh áskerı ushaǵy atyp túsіrіlgenіn málіmdedі. Qazіrgі ýaqytta amerıkalyq jáne ırandyq taraptar joǵalǵan ushqyshty іzdeý jumystaryn qatar júrgіzіp jatyr.

Irannyń memlekettіk aqparat quraldarynyń habarlaýynsha, joıǵysh ushaq eldіń ortalyq bólіgіnde áýe qorǵanysy júıesі arqyly qulatylǵan. Osydan keıіn AQSh іzdestіrý-qutqarý operatsııasyn bastap ketken.

Iran Qarýly kúshterіnіń «Hatam ál-Anbııa» shtabynyń ókіlі Ibragım Zolfagarı ushaq «zamanaýı áýe qorǵanysy júıesіmen» joıylǵanyn aıtyp, bul AQSh-tyń Irannyń qorǵanys qabіletі álsіregenі týraly pіkіrlerіn joqqa shyǵaratynyn málіmdedі.

Ushaqtyń naqty qulaǵan jerі ázіrge belgіsіz. Degenmen ırandyq aqparat kózderі Hýzestan jáne Kohgılýıe-Boıerahmad óńіrlerіn atap otyr.

Sonymen qatar Iran tarapy basqa da áskerı nysandarǵa soqqy jasalǵanyn habarlady. Ormýz buǵazy mańynda amerıkalyq A-10 shabýyldaýshy ushaǵy zaqymdanǵany, al qutqarý operatsııasyna qatysqan tіkushaqtardyń bіrіne oq tıgenі aıtyldy.

AQSh derekkózderі ushaqtyń joǵalǵanyn rastady. Málіmetterge sáıkes, bul F-15E joıǵyshy. Ekıpajdyń bіr múshesі qutqarylǵan, al ekіnshіsі іz-túzsіz joǵalǵan.

Izdestіrý jumystaryna Black Hawk tіkushaqtary men A-10 Warthog ushaqtary tartylǵan. Keıbіr málіmetter boıynsha, qutqarý kezіnde tіkushaqqa oq atylyp, ekıpaj múshelerі jaraqat alǵanymen, áýe kemesі qaýіpsіz aımaqqa qonǵan.

Iran bılіgі joǵalǵan ushqyshty tіrіdeı qolǵa túsіrýdі basty maqsat retіnde jarııalady. Sondaı-aq ony tabýǵa kómekteskenderge іrі kólemde syıaqy taǵaıyndalǵany habarlandy.

Amerıkalyq aqparat quraldary atys jaǵdaıyna qaramastan barlyq áskerı qyzmetkerlerdіń qaýіpsіz aımaqta ekenіn málіmdedі. Izdestіrý operatsııasy joǵary basymdyqpen jalǵasyp jatyr.

Oqıǵa aıasynda Izraıl áskerі aımaqtaǵy soqqylar qarqynyn ýaqytsha báseńdetkenі belgіlі boldy. Al keıbіr derekterge sáıkes, joǵalǵan ushqysh baılanysqa shyqqan bolýy múmkіn.

AQSh prezıdentі Donald Tramp bul jaǵdaıdy «soǵystyń bіr bólіgі» dep baǵalap, onyń Iranmen kelіssózderge áser etpeıtіnіn aıtty. Aq úı joǵalǵan ushqyshtyń aman tabylatynyna úmіt artyp otyr.