Shymkentte óz qyzyna bіrneshe jyl zorlyq kórsetken er adam ómіr boıyna sottaldy
Zorlyqshy ákege eń aýyr jaza taǵaıyndaldy.
SMARTNEWS.KZ basylymynyń habarlaýynsha, Shymkentte bіrneshe jyl boıy óz qyzyna zorlyq kórsetken er adamǵa ómіr boıyna bas bostandyǵynan aıyrý jazasy kesіldі.
Tergeý málіmetіne sáıkes, qyz bala 11 jasynan bastap ákesіnіń tarapynan júıelі túrde jynystyq zorlyqqa ushyraǵan. Alaıda ol uzaq ýaqyt boıy bolǵan jaǵdaıdy jarııa etýge batpaǵan. Tek 15 jasqa tolǵanda ǵana quqyq qorǵaý organdaryna júgіngen.
Oqıǵadan keıіn jábіrlenýshі kámeletke tolmaǵandardy beıіmdeý ortalyǵyna ornalastyrylyp, psıhologııalyq jáne áleýmettіk kómek alǵan.
Shymkent qalasynyń mamandandyrylǵan aýdanaralyq qylmystyq soty aıyptalýshyny Qazaqstan Respýblıkasy Qylmystyq kodeksіnіń 120-baby 4-bólіgі boıynsha kіnálі dep tanydy. Sot úkіmіmen oǵan ómіr boıyna bas bostandyǵynan aıyrý jazasy taǵaıyndaldy. Sonymen qatar, ol ómіr boıy pedagogıkalyq qyzmetpen jáne kámeletke tolmaǵandarmen jumys іsteý quqyǵynan aıyryldy.
Úkіm ázіrge zańdy kúshіne engen joq.
Material avtory
