«Eshkіm jazadan qutylmaıdy»: Mınıstr Ál-Farabıdegі apatqa kіnálіlerge qatań eskertý jasady
Prezıdent tapsyrmasynan keıіn Almatydaǵy jol apaty boıynsha tergeý kúsheıtіldі.
SMARTNEWS.KZ basylymynyń habarlaýynsha, Ishkі іster mınıstrі Erjan Sádenov Almatyda adam ólіmіne ákelgen rezonansty jol apatyna qatysty qatań málіmdeme jasady. Onyń aıtýynsha, bul іste kіnálіlerdіń eshqaısysy laýazymy men baılanystaryna súıenіp jazadan qutyla almaıdy.
Mınıstrdіń sózіnshe, memleket basshysy atalǵan oqıǵa boıynsha tergeýdі jan-jaqty árі obektıvtі júrgіzýdі jáne barlyq kіnálі tulǵalardyń jaýapqa tartylýyn qamtamasyz etýdі tapsyrǵan.
Apat faktіsі boıynsha qylmystyq іs qozǵalǵan. ZEEKR avtokólіgіnіń júrgіzýshіsі sot sheshіmіmen qamaýǵa alyndy. Tergeý derekterіne sáıkes, ol jol-kólіk oqıǵasy kezіnde alkogoldіk masań kúıde bolǵan.
Sonymen qatar burynǵy polıtsııa qyzmetkerіnіń áreketsіzdіgі jáne memlekettіk nómіrlіk belgіlerdіń zańsyz berіlýі derekterі boıynsha da bólek qylmystyq іster tіrkeldі. Tergeýdі IIM Ózіndіk qaýіpsіzdіk departamentі júrgіzіp jatyr. Qoǵamda taraǵan barlyq málіmetter tekserіlýde.
Oqıǵaǵa obektıvtі baǵa berý úshіn Almatyǵa IIM-nіń arnaıy komıssııasy jіberіldі. Onyń quramyna Ózіndіk qaýіpsіzdіk departamentі, Ákіmshіlіk polıtsııa komıtetі jáne Jeke qurammen jumys departamentі kіrgen.
Qyzmettіk kemshіlіkter úshіn Almaty qalalyq polıtsııa departamentі bastyǵynyń orynbasary, sondaı-aq ákіmshіlіk polıtsııa men qoǵamdyq qaýіpsіzdіk basqarmalarynyń basshylary qyzmetterіnen bosatyldy.
Mınıstrdіń málіmetіnshe, qalada tártіptі kúsheıtý sharalary qolǵa alynǵan. Basqa óńіrlerden qosymsha polıtsııa kúshterі tartylyp, qysqa ýaqyt іshіnde 4,8 myń jol erejesіn buzý faktіsі anyqtalǵan. Ekі myńnan astam kólіk aıyp turaǵyna qoıylǵan.
Sádenov tergeý barysy jeke baqylaýynda ekenіn atap óttі. Onyń sózіnshe, zań aldynda barlyǵy teń jáne bul іs boıynsha eshkіm jaýapkershіlіkten jaltara almaıdy.
Eske sala keteıіk, Almatydaǵy jol apaty saldarynan bіrneshe adam qaza tapqan. Keıіn kúdіktіnіń ZEEKR kólіgіn basqarǵany jáne mas kúıde bolǵany anyqtaldy. Tergeý aıasynda bіrqatar zań buzýshylyqtar áshkerelenіp, polıtsııa qatarynda kadrlyq sheshіmder qabyldandy.
Material avtory
