Almatyda Louis Vuitton men Nesquik brendterіnіń sapasyz kóshіrmelerі tárkіlendі
Ádіlet organdary Almatyda tanymal brendterdіń zańsyz qoldanylǵan ónіmderіn anyqtady.
Almaty qalasynda tanymal Louis Vuitton jáne Nesquik taýar belgіlerіn zańsyz paıdalaný derekterі anyqtaldy. Kontrafakt ónіmder naryqtan alynyp, іs sotqa joldandy.
Qazaqstan Respýblıkasynyń Ádіlet mınıstrlіgі málіmetіnshe, tekserý barysynda Nesquik brendіne uqsas tańbalardy zańsyz qoldaný faktіsі tіrkelgen. Qala aýmaǵynda túpnusqaǵa uqsastyrylǵan ónіmder erkіn satylǵan.
Nátıjesіnde zańsyz aınalymnan 2 myńnan astam ónіm tárkіlenіp, olardyń jalpy quny 4 mıllıon teńgeden asqany anyqtaldy.
Sonymen qatar jospardan tys tekserіs kezіnde Louis Vuitton brendіne qatysty da zańbuzýshylyqtar áshkerelendі. Saraptama kórsetkendeı, satylǵan taýarlardyń sapasy tómen bolǵan jáne olar zań talaptaryn buza otyryp ótkіzіlgen.
Jalpy alǵanda, júzdegen kontrafakt ónіm aınalymnan alyndy.
Atalǵan faktіler boıynsha ákіmshіlіk hattamalar toltyrylyp, materıaldar kіnálі tulǵalardy jaýapkershіlіkke tartý úshіn sotqa joldandy.
Material avtory
