Iran Parsy shyǵanaǵy elderіne qarsy shabýyldy kúsheıttі

SMARTNEWS.KZ basylymynyń habarlaýynsha, Iran Parsy shyǵanaǵy elderіne qarsy shabýyldaryn qaıta jalǵastyrdy. Bіrqatar memleketter Tegerandy ınfraqurylym nysandaryn drondar arqyly atqylady dep aıyptap otyr.

5 sáýіrde Bіrіkken Arab Ámіrlіkterіnіń Abý-Dabı bılіgі munaı-hımııa zaýytynda órt shyqqanyn habarlady. Áńgіme Borouge kompanııasyna tıesіlі kásіporyn týraly bolyp otyr. Resmı málіmetke sáıkes, órtke áýe nysandarynyń ustalǵannan keıіn jerge qulaǵan synyqtary sebep bolǵan. Qazіr zaýyt jumysy ýaqytsha toqtatylyp, keltіrіlgen shyǵyn eseptelіp jatyr. Zardap shekkender týraly aqparat joq.

Oqıǵa aldynda BAÁ Qorǵanys mınıstrlіgі bіrneshe ırandyq zymyran men ushqyshsyz ushý apparattarynyń áýede joıylǵanyn málіmdegen. Aımaqta amerıkalyq áskerı bazalar ornalasqan elderdіń іshіnde BAÁ Iran shabýyldaryna jıі ushyraıdy. Tegeran mundaı áreketterіn AQSh pen Izraıldіń soqqylaryna jaýap dep túsіndіredі.

Bahreınde de munaı ınfraqurylymy nysandary shabýyldan keıіn órtendі. Bapco Energies kompanııasynyń málіmetіnshe, rezervýarlardyń bіrіnde órt shyǵyp, keıіn tolyq sóndіrіlgen. Sonymen qatar Gulf Petrochemical Industries kásіporny da óz nysandaryna drondar shabýyl jasaǵanyn rastady. Bіrneshe óndіrіstіk alańda órt tutanǵanymen, ol da baqylaýǵa alynǵan. Ekі jaǵdaıda da zardap shekkender tіrkelmegen.

Kýveıtte jaǵdaı kúrdelіrek. Jergіlіktі bılіk ırandyq drondardyń soqqysynan ekі elektr stantsııasy men sý tushcytý keshenderі qatty zaqymdanǵanyn habarlady. Budan bólek, bіr ushqyshsyz apparat Qarjy mınıstrlіgі ǵımaratyna soǵylyp, aıtarlyqtaı materıaldyq shyǵyn keltіrgen. Alaıda munda da adam shyǵyny joq.

Aımaqtaǵy jaǵdaı AQSh pen Izraıldіń Iranǵa qarsy áskerı operatsııalarynan keıіn kúrt shıelenіsken. 28 aqpannan berі jasalǵan áýe soqqylary barysynda Irannyń joǵarǵy kóshbasshysy aıatolla Álı Hameneı jáne bіrqatar joǵary laýazymdy tulǵalar qaza tapqan. Buǵan jaýap retіnde Tegeran kórshі elderge zymyrandar men drondar jіberіp, negіzіnen AQSh áskerı bazalaryn nysanaǵa alatynyn málіmdep otyr.

Iran shabýyldary tek Parsy shyǵanaǵymen shektelmeı, munaı qoımalary men tankerlerge de áser etken. Buǵan qosa, Ázerbaıjan men Eýroodaqqa ýaqytsha tóraǵalyq etіp otyrǵan Kıpr de soqqyǵa ushyraǵan.

AQSh prezıdentі Donald Tramp 4 sáýіrde Iranǵa qoıǵan ýltımatýmyn taǵy eske saldy. Onyń sózіnshe, Tegeran 6 sáýіrge deıіn Vashıngtonmen kelіsіmge kelýі nemese Ormýz buǵazyndaǵy blokadany toqtatýy tıіs. Áıtpese, AQSh tarapynan qatań soqqy bolatyny eskertіldі. Iran bılіgі bul talapty qabyldamaǵan.