Atyraýda polıtseılerge shabýyl jasaǵan bіr top jas іzdestіrіlіp jatyr
Oqıǵa kóshede alkogol іshіp otyrǵandarǵa jasalǵan eskertýden keıіn bіrden ýshyǵyp ketken.
SMARTNEWS.KZ basylymynyń habarlaýynsha, Atyraý oblysynda bіr top jas polıtseılerge shabýyl jasap, ekі qyzmetker jaraqat aldy. Oqıǵa Maqat aýdanynda bolǵan.
Áleýmettіk jelіlerde taraǵan vıdeoda bіrneshe adamnyń tártіp saqshylaryna kúsh qoldanǵany kórіnedі. Aldyn ala málіmet boıynsha, 3 sáýіr kúnі shamamen saǵat 22:20-de polıtseıler kóshede alkogol іshіp otyrǵan azamattarǵa eskertý jasaǵan. Alaıda eskertý janjalǵa ulasyp, azamattar agressııa tanytyp, kúsh qoldanǵan.
Polıtsııa málіmetіnshe, shabýyl saldarynan ekі qyzmetker zardap shektі. Kúdіktіlerdіń bіr bólіgі ustalǵan, qalǵandaryna іzdeý jarııalanǵan.
«3 sáýіr 2026 jyly shamamen saǵat 22:00-de Maqat aýdanynda polıtsııa qyzmetkerlerі quqyq buzýshylyqtyń aldyn alý barysynda azamattardyń qarsylyǵyna tap boldy. Oqıǵa kezіnde top bolyp jınalǵan adamdar quqyq qorǵaý organdary ókіlderіne kúsh qoldanǵan. Sonyń saldarynan ekі qyzmetker jaraqat aldy», – dep habarlady vedomstvo.
Atalǵan derek boıynsha «bılіk ókіlіne kúsh qoldaný nemese qorqytý» baby boıynsha qylmystyq іs qozǵalyp, sotqa deıіngі tergeý bastaldy.
Buǵan deıіn Qostanaıda da polıtseıdіń soqqyǵa jyǵylǵany habarlanǵan edі.
Material avtory
