Jazıra Baıyrbekovanyń kelіnіne qoıǵan qandaı talaptar qoıǵanyn aıtty
Ánshі kelіnіne oramal taǵý men kúndelіktі sálem salýdy mіndettemegenіn ashyq aıtty.
SMARTNEWS.KZ basylymynyń habarlaýynsha, ánshі Jazıra Baıyrbekova kelіnіne qatysty ustanymyn ashyq aıtyp, dástúrlі talaptardy qatańdatpaǵanyn málіmdedі.
Óner ıesіnіń sózіnshe, jańa túsken kelіnі Asylyǵa eshqandaı shekteý qoıylmaǵan. Kerіsіnshe, oǵan erkіndіk berіlіp, óz qabіletіn damytýǵa múmkіndіk jasalǵan. Ánshі kelіnіnіń úsh tіl bіletіnіn atap ótіp, ony úı sharýasymen shektemeı, syrttaǵy іstermen aınalysqanyn qoldaıtynyn jetkіzdі.
«Kelіn alý — erekshe sezіm. Balamyzdy erterek úılendіrsek dep armandadyq. Kelіnіmіzge «úıde mіndettі túrde oramal taqpa, kún saıyn sálem salýdyń da qajetі joq» dep bіrden aıttym. Qonaq kelgende nemese úlkender aldynda sálem salsa jetkіlіktі», – dedі ol.
Sondaı-aq ánshі turmystyq talaptardy jeńіldetkenіn jasyrmady. Onyń aıtýynsha, kelіnіn kúndelіktі úı sharýasyna jegýdіń ornyna, kásіbіmen aınalysýyna jaǵdaı jasaǵan durys. Baıyrbekova jas otbasynyń óz іsіn júrgіzіp, damyǵanyn qalaıtynyn atap óttі.
Ánshі bul ustanymyn turmystyq qolaılylyqpen de baılanystyrdy. Onyń sózіnshe, oramal taǵý keı jaǵdaıda qolaısyzdyq týdyryp, kúndelіktі tіrshіlіkke kedergі keltіrýі múmkіn.
Material avtory
