Atyraýda qaıyr suraýshylar kóbeıdі dep turǵyndar dabyl qaǵýda
Keıbіr jaǵdaılarda bas tartqan adamdarǵa qysym kórsetіlіp, janjal týyndaǵan.
SMARTNEWS.KZ basylymynyń habarlaýynsha, Atyraýda turǵyndar bazarlar men qoǵamdyq oryndarda qaıyr suraıtyndardyń kóbeıgenіne alańdaýly. Qala turǵyndarynyń aıtýynsha, sońǵy ýaqytta adamdar, ásіrese balalaryn ertіp shyqqandar, ótіp bara jatqan jurtqa jaqyndap, tabandy túrde aqsha suraıtyn bolǵan. Bul týraly AqJaıyq basylymy jazdy.
Kýágerlerdіń sózіnshe, keı jaǵdaıda bas tartqan adamdarǵa qysym kórsetіlіp, daýys kóterý, tіptі janjal týyndatý áreketterі baıqalady. Bul jaǵdaı qala turǵyndarynyń narazylyǵyn kúsheıtіp otyr.
Turǵyndar qaıyr suraýshylar arasynda shetelden kelgen azamattardyń da jıіlep ketkenіn aıtady. Ásіrese mundaı kórіnіsterdіń kúndіz, kópshіlіk kóz aldynda, balalardyń janynda oryn alýy qoǵamnyń alańdaýshylyǵyn arttyrǵan.
Áleýmettіk jelіlerde atyraýlyqtar bazarlar men qoǵamdyq keńіstіkterde baqylaýdy kúsheıtýdі talap etýde. Olar mundaı jaǵdaılardyń aldyn alý úshіn naqty sharalar qajet ekenіn alǵa tartady.
Jarııalanym sátіnde quqyq qorǵaý organdary bul máselege qatysty resmı túsіnіkteme bergen joq.
Material avtory
