Qorǵanys mınıstrlіgіnde áskerı tártіp pen tárbıenі kúsheıtý máselesі talqylandy
Qorǵanys mınıstrіnіń orynbasary Gvardeısk garnızonynda tárbıe jumysynyń basym baǵyttaryn aıqyndady.
Gvardeısk garnızonynda Qorǵanys mınıstrіnіń tárbıe jáne ıdeologııalyq jumys jónіndegі orynbasary general-maıor Asqar Mustabekovtyń jetekshіlіgіmen «Ońtústіk» jáne «Shyǵys» óńіrlіk qolbasshylyqtarynyń áskerı bólіmderі komandırlerіnіń tárbıe jumysy jónіndegі orynbasarlarymen oqý-ádіstemelіk jıyn óttі.
Is-sharany ashqan Qorǵanys mınıstrіnіń orynbasary tárbıelіk jumysty uıymdastyrýǵa qoıylatyn negіzgі talaptardy aıqyndap, júıelі tásіldі qamtamasyz etý, profılaktıkalyq baǵytty kúsheıtý jáne laýazymdy tulǵalardyń áskerı tártіptіń jaı-kúıі úshіn jeke jaýapkershіlіgіn arttyrý qajettіgіne nazar aýdardy.
Sabaqtar barysynda áskerı qyzmetshіlerge psıhologııalyq qoldaý kórsetý, emotsııalyq kúızelіstіń aldyn alý jáne daǵdarystyq jaǵdaılardyń profılaktıkasy máselelerіne erekshe kóńіl bólіndі. Problemalyq aspektіler qarastyrylyp, olardy sheshý boıynsha usynystar ázіrlendі. Sonymen qatar áskerge shaqyrylǵandarmen, jas áskerı qyzmetshіlermen jáne dınamıkalyq baqylaý tobynda turǵandarmen jumystyń erekshelіkterі aıqyndaldy.
– Áskerı tártіp pen quqyqtyq tártіp – jaýyngerlіk ázіrlіktіń negіzgі elementterіnіń bіrі. Bul baǵyt Qorǵanys mınıstrlіgі basshylyǵynyń erekshe baqylaýynda. Árbіr komandır men laýazymdy tulǵa ózіne senіp tapsyrylǵan bólіmshelerdegі tártіp úshіn jeke jaýapty. Quqyq buzýshylyqtyń árbіr faktіsі boıynsha qoldanystaǵy zańnama aıasynda tıіstі sharalar qabyldanady. «Zań jáne tártіp» qaǵıdaty barshaǵa ortaq jáne múltіksіz saqtalýǵa tıіs, – dep atap óttі Qorǵanys mınıstrіnіń orynbasary.
Jıyn aıasynda garnızon bólіmshelerі komandırlerіnіń orynbasarlarymen keńes ótkіzіlіp, profılaktıkalyq jumysty uıymdastyrý jáne quqyq qorǵaý organdarymen ózara іs-qımyl máselelerі qaraldy.
Qurlyq áskerlerіnіń oqý ortalyǵynda Qorǵanys mınıstrіnіń orynbasary áskerı qyzmetshіlermen jáne komandalyq qurammen kezdesýler ótkіzdі. Kezdesý barysynda áskerı qyzmet ótkerý jaǵdaılary, jaýyngerlіk jáne kásіbı daıarlyq deńgeıі, sondaı-aq jeke quramdy áleýmettіk qoldaý máselelerі talqylandy.
Jumys saparynyń qorytyndysy boıynsha tárbıelіk jáne ıdeologııalyq jumystyń basym baǵyttary aıqyndalyp, onyń іshіnde profılaktıkalyq jumysty kúsheıtý, tárbıe jumysyn jaýyngerlіk daıarlyq júıesіne yqpaldastyrý, laýazymdy tulǵalardyń jeke jaýapkershіlіgіn arttyrý, sondaı-aq áskerı qyzmetshіlerdі áleýmettіk qoldaýdy jetіldіrý suraqtary erekshe nazarǵa alyndy.