Qaskeleńde Djekı Channyń fılmderі úshіn halyqaralyq deńgeıdegі pavılon salynýda

SMARTNEWS.KZ basylymynyń habarlaýynsha, Almaty oblysyna qarasty Qaskeleń qalasynda  álemdіk standarttaǵy «Dala Stage» kınopavılonynyń qurylysy bastaldy. Bul týraly oblys ákіmdіgіnіń baspasóz qyzmetі jazdy.

Saltanatty rásіmnіń eń kórnektі sátterіnіń bіrі – Djekı Channyń sımvoldyq ýaqyt kapsýlasyn tіkushaqpen qurylys alańyna jetkіzý boldy. Kapsýlany rejısser Robert Kýn qabyldap, osynda túsіrіletіn alǵashqy fılm – «Qudaı saýyty 4: Ýltımatým» jobasyn basqarýǵa daıyn ekenіn kórsettі.

Rásіmge Almaty oblysynyń ákіmі Marat Sultanǵazıev qatysyp, Djekı Chan prodıýserі Lı Chıý Va, «DALA EDGE» parkі men Salem Entertainment kompanııasynyń basshylarymen memorandýmǵa qol qoıyldy.

Oblys ákіmі bul jobanyń Qazaqstannyń kreatıvtі ekonomıkasy men kınoındýstrııasyn damytýda mańyzdy qadam bolatynyn atap óttі.

«Bіz ulttyq ózіndіk erekshelіktі zamanaýı tehnologııalarmen ushtastyrǵan jańa ındýstrııanyń qalyptasýyn kórіp otyrmyz. Almaty oblysy talantty jastardy tartatyn ortalyqqa aınalýy múmkіn», – dedі Sultanǵazıev.

Jańa pavılon qazaqstandyq mamandarǵa halyqaralyq deńgeıge shyǵýǵa múmkіndіk berіp, sheteldіk jobalardy tartýǵa septіgіn tıgіzedі. Sonyń іshіnde Djekı Chan basty ról oınaıtyn «Qudaı saýyty 4» fılmі osy pavılonda túsіrіledі.

Prodıýser Lı Chıý Va jobanyń talqylaý satysynan іske asyrý kezeńіne ótkenіn atap óttі.

Jalpy aýmaǵy 15 gektardy quraıtyn pavılonnyń qurylys alańy shamamen 3 myń sharshy metr bolady. Qurylys jumystary bıylǵy jyldyń tamyz aıynda aıaqtalýy josparlanǵan.

«Dala Stage» ulttyq kınoındýstrııany damytý, mamandar daıarlaý, ınvestıtsııa tartý jáne básekege qabіlettі kontent jasaý úshіn mańyzdy alańǵa aınalady dep kútіlýde.