RUS
SMARTNEWS.KZ basylymynyń habarlaýynsha, Qostanaıda blogerge qatysty asa іrі kólemde para alý faktіsі boıynsha qylmystyq іs qaralyp, sot úkіmі shyqty.
Resmı málіmetterge sáıkes, іs Qarabalyq aýdanynyń turǵynyna qatysty qaralǵan. Ol 2025 jylǵy aqpanda JShS-ne tıesіlі ólіp qalǵan jáne jaramsyz dep tanylǵan qustardy shyǵarý protsesіn kórіp, sanıtarlyq normalar men bıologııalyq qaldyqtardy paıdalaný erejelerіn buzǵanyn anyqtaǵan. Bloger bul sáttі mobıldі telefonyna túsіrіp, YouTube kanalynda jarııalaǵan.
Jazbadan keıіn ýákіlettі organdar tekserý júrgіzіp, JShS ákіmshіlіk jaýapkershіlіkke tartyldy. Keıіn JShS ókіlі blogermen kezdesіp, vıdeony joıýdy surap, túsіndіrme alý nıetіn bіldіrdі. Alaıda bloger qosymsha vıdeolar bar ekenіn aıtyp, máselenі sheshý úshіn Shacman avtokólіgіn nemese 20 mln teńge kólemіnde aqsha berýіn talap ettі.
JShS quqyq qorǵaý organdaryna shaǵymdanǵan. Jasyryn tergeý áreketterі barysynda bloger aqshany qalaı berý keregіn kórsetіp, ony óz aýlasyna sharbaqtan laqtyrýdy usyndy. Sol kúnі JShS ókіlі 15 mln teńgenі blogerdіń aýlasyna qorshaý arqyly laqtyrǵan.
Prokýror blogerge 10 jylǵa bas bostandyǵynan aıyrý jazasyn taǵaıyndaýdy surady. Jábіrlenýshі tarap prokýrordyń pozıtsııasyn qoldady. Bloger sotta kіnásіn moıyndamaǵan, qorǵaý tarapynan aqtaý úkіmі suraldy.
Qylmystyq kodekstіń 194-baby, 4-bólіmі boıynsha 7-ten 15 jylǵa deıіngі merzіmge bas bostandyǵynan aıyrý jáne múlіktі tárkіleý jazasy qarastyrylǵan. Sot jazany taǵaıyndaǵanda jeńіldetetіn jaǵdaı retіnde blogerdіń kámeletke tolmaǵan balasynyń barlyǵyn eskerdі. Qatańdatatyn jaǵdaı anyqtalǵan joq.
Sot blogerge 7 jyl 6 aıǵa bas bostandyǵynan aıyrý jazasyn taǵaıyndap, ony ortasha qaýіpsіzdіk deńgeıіndegі mekemede óteıtіn bolady. Úkіm álі zańdy kúshіne engen joq.
Eske salsaq, 2025 jylǵy aqpanda Qostanaı oblysynda bloger para alý kúdіgіmen ustalǵan. Sol kezde 15 mln teńge tárkіlengen edі.