Pavlodarda mysyqty qutqaramyn degen er adam alty metrden qulap, kóz jumdy
Ortalyq ónerkásіp aımaǵynda 50 jastaǵy er adam mysyqty túsіrmek bolyp qaza tapty.
SMARTNEWS.KZ basylymynyń habarlaýynsha, Pavlodarda qaıǵyly oqıǵa tіrkeldі. 50 jastaǵy er adam aǵashqa shyǵyp, mysyqty túsіrmek bolǵan kezde qulap, alǵan aýyr jaraqattarynan kóz jumdy.
Oqıǵa 5 sáýіr kúnі Ortalyq ónerkásіp aımaǵynda bolǵan. Er adam shamamen alty metr bıіktіkten qulaǵan. Dárіgerler ony aýyr jaǵdaıda, kóptegen synyqtarmen jáne travmatıkalyq shokpen aýrýhanaǵa jetkіzgen. Alaıda dárіgerler onyń ómіrіn saqtap qala almady — ol qalalyq bіrіnshі aýrýhanada qaıtys boldy.
Sol kúnі Pavlodarda taǵy bіr qaıǵyly jaǵdaı oryn aldy. Akademık Marǵulan kóshesі aýdanynda 50-60 jas shamasyndaǵy áıel bıіktіkten qulap, oqıǵa ornynda alǵan jaraqattarynyń saldarynan kóz jumdy. Jedel járdem brıgadasy nebárі ekі mınýt іshіnde jetkenіmen, kómektesý múmkіn bolmaǵan.
Polıtsııa málіmetіnshe, 1955 jyly týǵan marqum psıhonevrologııalyq dıspanserde esepte turǵan. Qazіrgі ýaqytta onyń ólіmіne baılanysty tekserý bastaldy.
Buǵan deıіn Pavlodardaǵy kásіporyndardyń bіrіnde áıeldіń 15 metr bıіktіkten qulap ketkenі habarlanǵan bolatyn.
Material avtory
