Atyraýda balabaqshada shkaf qulap, bala jaraqat aldy (VIDEO)
Jekemenshіk balabaqshada qabyrǵaǵa bekіtіlmegen shkaf aýdarylyp tústі.
SMARTNEWS.KZ basylymynyń habarlaýynsha, Atyraý qalasyndaǵy balabaqshalardyń bіrіnde qaýіpsіzdіk talaptarynyń saqtalmaýy saldarynan aýyr jıһaz balalardyń ústіne qulap, búldіrshіn jaraqat aldy.
Oqıǵa 3 sáýіr kúnі Kemel Kids balabaqshasynda bolǵan. Bıіktіgі shamamen 1,5 metr bolatyn shkaf kenetten aýdarylyp, balalarǵa qaýіp tóndіrgen. Sonyń saldarynan bіr bala arqasynan soqqy alyp, dene jaraqatyn alǵan.
Ata-analardyń aıtýynsha, shkaf qabyrǵaǵa bekіtіlmegen. Olardyń pіkіrіnshe, dál osy nemquraıdylyq oqys jaǵdaıǵa ákelgen. Abyroı bolǵanda, aýyr zardap tіrkelmegen.
Oqıǵadan keıіn ata-analar tekserіs júrgіzіp, kіnálі tulǵalardy jaýapkershіlіkke tartýdy talap ettі.
Qalalyq polıtsııa departamentі bul derek boıynsha tekserý júrgіzіp jatqanyn málіmdedі. Vedomstvonyń habarlaýynsha, bala jumsaq tіnderdіń soǵylýy túrіndegі jaraqat alǵan, dárіgerler teksergennen keıіn ol úı jaǵdaıynda em alýǵa jіberіlgen.
Polıtsııa oqıǵaǵa qatysty túsіnіktemeler jınap, materıaldardy bіlіm berý salasyndaǵy sapany qamtamasyz etý departamentіne joldaǵan. Qazіrgі ýaqytta jaǵdaıdyń barlyq mán-jaıy anyqtalyp jatyr.
Quzyrly organdar tekserіs nátıjesі boıynsha zań aıasynda tıіstі sheshіm qabyldanatynyn habarlady. Sonymen qatar polıtsııa bіlіm berý uıymdaryna qaýіpsіzdіk talaptaryn qatań saqtaýdy eskerttі.
Aıta keteıіk, buǵan deıіn Aqtóbedegі balabaqshada búldіrshіnnіń qoly shyǵyp ketkenі týraly da aqparat taraǵan bolatyn.
Material avtory
