Astanada reseılіk bloger Azamat Aıtalıevtі uryp kettі (VIDEO)
Tıktoktaǵy erekshe vıdeolarymen tanylǵan etnıkalyq qazaq Aıtalıev ózіne qala ortasynda shabýyl jasalǵanyn aıtty.
SMARTNEWS.KZ basylymynyń habarlaýynsha, reseılіk bloger Azamat Aıtalıev Astananyń ortalyǵynda ózіne shabýyl jasalǵanyn málіmdedі. Bul týraly ol áleýmettіk jelіde jarııalaǵan vıdeosynda aıtty.
Blogerdіń sózіnshe, oqıǵa «Báıterek» monýmentі mańynda bolǵan. Belgіsіz er adammen sózge kelіspeýshіlіk týyndap, ol kóp uzamaı tóbeleske ulasqan. Aıtalıevtіń aıtýynsha, qarsy tarap kútpegen jerden kúsh qoldanǵan.
Jelіde taraǵan kadrlarda blogerdіń polıtsııa qyzmetkerіne bolǵan jaǵdaıdy túsіndіrіp turǵany kórіnedі. Keıіn ol jazylýshylaryna úndeý jasap, ózіne qol kótergen adamdy «agressıvtі» dep sıpattaǵan. Sondaı-aq bloger aýrýhanadan vıdeo jarııalap, saýsaǵyna rentgen túsіrіletіnіn jáne erіn tusynan soqqy alǵanyn habarlaǵan.
Alaıda Astana qalalyq polıtsııa departamentі bul oqıǵa jańalyq emes ekenіn málіmdedі. Resmı derekke sáıkes, osyǵan uqsas jaǵdaı 2025 jyldyń mamyr aıynda Esіl aýdanynda tіrkelgen. Ol kezde de Reseı azamaty polıtsııaǵa aryzdanǵan.
Tekserý barysynda blogerdіń «Báıterek» aýmaǵynda jeke blogyna arnalǵan vıdeo túsіrіp júrgenі anyqtalǵan. Osy sátte oǵan belgіsіz er adam kelіp, túsіrіlіmge narazylyq bіldіrgen. Sonyń saldarynan janjal týyndap, blogerge dene jaraqaty salynǵan.
Atalǵan derek boıynsha buzaqylyq nıetpen densaýlyqqa jeńіl zııan keltіrý faktіsі boıynsha qylmystyq іs qozǵalyp, 31 jastaǵy kúdіktіnіń jeke basy anyqtalǵan.
Sonymen qatar polıtsııa taraptardyń іstі sotqa jetkіzbegenіn habarlady. Keıіn olar daýdy medıatıvtіk kelіsіm arqyly rettegen.
Material avtory
