Ystambuldyń qaq ortasynda Qazaqstan azamatyn atyp kettі (VIDEO)
Belgіsіz adam kóshede Qazaqstan azamatynyń basyna oq atyp, qashyp ketken.
SMARTNEWS.KZ basylymynyń habarlaýynsha, Túrkııanyń Ystambul qalasynda Qazaqstan azamaty Arıf Ismaılov qaza tapty. Ol jeke logıstıkalyq kompanııada logıst bolyp jumys іstegen.
Túrkııa BAQ-nyń habarlaýynsha, oqıǵa Fatıh aýdanyndaǵy Balabanaǵa shaǵynaýdanynda oryn alǵan. Qylmys sátі beınebaqylaý kamerasyna túsіp qalǵan. Belgіsіz bіr adam kóshede Ismaılovqa jaqyndap, basyna oq atqan soń іzіnshe joǵalǵan. Túrіk basylymdarynyń keıbіr derekterі boıynsha, Ismaılov oqıǵa ornynda qaza tapsa, basqalary onyń aýyr jaǵdaıda aýrýhanaǵa jetkіzіlgen soń kóz jumǵanyn habarlaǵan.
Keıіnіrek ekі kúdіktі ustalǵany belgіlі boldy. Túrіk medıasy jazǵandaı, olar Edırne aımaǵynda, shekara syzyǵy boıynan ustalǵan. Ustalǵandar – Grýzııa azamattary. Kúdіktіlerdі іzdestіrý kezіnde dron qoldanylǵan. Sonymen qatar, qylmysqa qatysty kólіk júrgіzýshіsіne qatysty jeke tergeý іsі bastalǵan.
Ázіrge QR Syrtqy іster mınıstrlіgі resmı málіmdeme jasamady. Oqıǵa ázіrge tergelіp jatyr.
Material avtory
