Atyraý taǵy da tunshyqty: qoqys polıgonynda órt shyqty
Qoqys polıgonynda shyqqan órttіń tútіnі qalanyń ár bólіgіnde sezіlgen.
SMARTNEWS.KZ basylymynyń habarlaýynsha, Atyraýda 7 sáýіr kúnі tańerteń qalalyq qoqys polıgonynda órt shyqty. Qalanyń ár bólіgіnde kúıіk ıіsі sezіlіp, turǵyndar taǵy da ekologııalyq jaǵdaıǵa alańdaýly.
Alǵashqy dabyl tańǵy 08:30 shamasynda túsken. Oqıǵa ornyna shuǵyl qyzmetter jіberіlіp, órttі sóndіrý jáne oshaqty oqshaýlaý jumystary bastalǵan. Qazіrgі ýaqytta órttіń naqty aýmaǵy anyqtalyp jatyr.
Qala ákіmdіgіnіń málіmetіnshe, zardap shekkender joq. Órttіń shyǵý sebebі ázіrge belgіsіz.
Aıta keteıіk, bіrneshe kún buryn ǵana Atyraý turǵyndary qalada taraǵan ótkіr ıіske shaǵymdanǵan edі. Kópshіlіk ony óndіrіstіk shyǵaryndylarmen baılanystyrǵan. Buǵan deıіn Atyraý munaı óńdeý zaýyty kúkіrtsýtek deńgeıіn asyrǵany úshіn 540 mıllıon teńge kólemіnde aıyppul arqalaǵan bolatyn.
Qaladaǵy ekologııalyq ahýalǵa qatysty suraqtar qaıtadan kún tártіbіne shyqty.
Material avtory
