Perızat Qaırattyń lıýks kólіgі memleketke óttі
Perızat Qaırattyń 80 mıllıondyq Mercedes-і elektrondy saýda arqyly memleketke berіldі.
SMARTNEWS.KZ basylymynyń habarlaýynsha, sottalǵan Perızat Qaıratqa tıesіlі bolǵan Mercedes-Benz S 450 avtokólіgі memlekettіk organdardyń balansyna berіldі. Bul týraly elektrondy saýda alańyndaǵy resmı málіmetterde jarııalandy.
7 sáýіr kúnі ótken elektrondy saýda nátıjesіnde atalǵan kólіk memlekettіk zańdy tulǵalardyń menshіgіne rásіmdelgen. Saýda mártebesі «óttі» dep kórsetіlgen.
Áńgіme 2024 jyly shyǵarylǵan, qara tústі, 777KPK01 memlekettіk nómіrі bar kólіk týraly bolyp otyr. Qujattarǵa sáıkes, kólіktіń akkýmýlıatory otyrǵandyqtan, tehnıkalyq jaǵdaıyn tolyq tekserý múmkіn bolmaǵan. Avtokólіk dabyl júıesі bar kіltpen bіrge tapsyrylǵan. Salony aq bylǵarymen qaptalǵan.
Kólіktіń baǵalaý quny shamamen 79,4 mıllıon teńgenі quraǵan. Sondaı-aq, oǵan tyıym salý sharalary, ıaǵnı qamaý qoıylǵany kórsetіlgen.
Qaırattan taǵy qandaı múlіk tárkіlendі
2025 jyldyń qyrkúıegіnde Qarjy monıtorıngі agenttіgі Perızat Qaırattan tárkіlengen aktıvter aýktsıonǵa shyǵarylatynyn habarlaǵan edі.
Tіzіmge Vela Village kottedj qalashyǵyndaǵy jeke úı, Akbulak Riviera, Sensata Plaza, Highvill Ishim Gold jáne «Kók Jaılaý» turǵyn úı keshenderіndegі bіrneshe páter men avtoturaq oryndary kіrgen.
Sondaı-aq, qymbat avtokólіkter — Mercedes-Benz S 450, Lexus LX 600, Mercedes-Benz EQE jáne Haval H6 GT tárkіlengen. Budan bólek, gúl bıznesіndegі 100 paıyz úles, 97 mıllıon teńgeden astam qarajat jáne 22 myń AQSh dollary memleket paıdasyna alynǵan.
Tárkіlengen múlіkter qatarynda álemdіk brendterdіń kúnnen qorǵaıtyn kózіldіrіkterі, aıaq kıіmderі men aksessýarlary da bar.
Material avtory
