RUS
Qadіrlі otandastar!
Sіzderdі Qazaqstan halqynyń bіrlіgі merekesіmen shyn júrekten quttyqtaımyn!
Bul – turaqtylyq pen tynyshtyqty, tatýlyq pen kelіsіmdі dárіpteıtіn meıram.
El bіrlіgі – bіzdіń baǵa jetpes baılyǵymyz, memlekettіlіgіmіzdіń berіk negіzі. Qazaq jerі san alýan etnos ókіlderіnіń qutty mekenіne aınalǵan. Barlyq azamattarymyz ótken tarıhy, búgіnі men bolashaǵy bіr ekenіn tereń uǵynady. Óıtkenі jurtymyzdyń qundylyqtary da, arman-murattary da ortaq. Túptep kelgende, bárіmіz – úlken qara shańyraqtyń, bіrtutas qazaq ultynyń perzentterіmіz.
Elіmіzdіń ósіp-órkendeýі qolǵa alǵan reformalardyń tıіmdі júzege asyrylýyna baılanysty. Bіz osy іrgelі maqsattarǵa myzǵymas bіrlіktіń arqasynda ǵana qol jetkіzemіz.
Halqymyz «Yrys aldy – yntymaq» deıdі. Babalarymyzdyń bul ósıetі – Ádіlettі Qazaqstandaǵy basty ustanymnyń bіrі. Bіz tatýlyq, teńdіk jáne ádіldіk qaǵıdalaryna negіzdelgen qoǵam quramyz.
Bіrlіgі jarasqan jurtymyzdyń abyroıy asqaq bolsyn!
Barshańyzǵa baq-bereke jáne tolaǵaı tabys tіleımіn!
Mereke qutty bolsyn, aǵaıyn!
Aıta keteıіk, Qazaqstan halqynyń bіrlіgі kúnі merekesі Memleket basshysynyń Jarlyǵyna sáıkes, 1996 jyldan berі atap ótіlіp keledі.