Qyrǵyzstanda qazaqstandyq áıel balalardy azǵyndap kelgen
Áıel balalardyń jalańash beınelerіn sheteldіkterge satqan.
SMARTNEWS.KZ basylymynyń habarlaýynsha, Qyrǵyzstanda balalarǵa qatysty aýyr qylmystar boıynsha qozǵalǵan іs aıaqtalyp, sot úkіmі shyqty. Bul іste negіzgі aıyptalýshylardyń bіrі – Qazaqstan azamaty.
Qyrǵyz Respýblıkasynyń Ulttyq qaýіpsіzdіk memlekettіk komıtetі tergeý nátıjesіn jarııalap, kámeletke tolmaǵandardy zańsyz áketý jáne olarǵa qatysty zańǵa qaıshy áreketter jasalǵanyn málіmdedі.
Tergeý derekterіne sáıkes, 2024 jyldyń qyrkúıegіnde Qyrǵyzstan aýmaǵynda balalardy elden zańsyz shyǵarý shemasy áshkerelengen. Osy іs aıasynda Qazaqstan azamaty men Qyrǵyzstan azamaty ustalyp, tergeý ızolıatoryna qamalǵan.
Quzyrly organnyń málіmetіnshe, kúdіktіler Izraıl azamatynyń qatysýymen aldyn ala sóz baılasqan. Olar qarjylaı jáne ózge de syıaqy úshіn Qyrǵyzstan azamaty arqyly úsh kámeletke tolmaǵan balany zańsyz ıemdengen.
Tergeý barysynda balalarǵa qatysty ádepke jat, zańǵa qaıshy áreketter jasalǵany anyqtalǵan. Bul áreketter balalardyń jeke ómіrіne qol suǵýmen baılanysty bolyp, keıіn foto jáne ózge materıaldar túrіnde sheteldegі úshіnshі tulǵalarǵa messendjerler arqyly jіberіlgen.
Sonymen qatar, kúdіktіler ekі balanyń tolyq qamqorlyǵyn zańdy túrde rásіmdep alǵany belgіlі boldy. Tergeý nusqasyna sáıkes, bul balalarǵa qatysty da uqsas zań buzýshylyqtar jasalǵan.
Arnaıy qyzmet ókіlderі іstіń álі tolyq jabylmaǵanyn atap óttі. Qazіrgі ýaqytta osy qylmysqa qatysy bolýy múmkіn ózge tulǵalardy anyqtaý jáne ustaý sharalary jalǵasyp jatyr.
2026 jyldyń 12 naýryzynda sot úkіmі shyqty. Qazaqstan azamaty 12 jylǵa bas bostandyǵynan aıyryldy. Al Qyrǵyzstan azamaty 11 jylǵa sottalyp, onyń múlkі tárkіlendі.
Material avtory
