Almatyda zańger-bloger Ádіlethan Moldahan ekі aıǵa qamaýǵa alyndy
Ál-Farabı іsіn talqylaǵan bloger temіr torǵa tústі.
SMARTNEWS.KZ basylymynyń habarlaýynsha, Almatyda sot sheshіmіmen zańger jáne bloger Ádіlethan Moldahanǵa qatysty bultartpaý sharasy retіnde ekі aıǵa qamaýǵa alý sanktsııalandy. Bul týraly qalalyq polıtsııa departamentі habarlady.
Tergeý málіmetіnshe, ol ádeıі jalǵan aqparat taratty degen kúdіkke іlіngen. Sotqa deıіngі tergep-tekserý aıasynda kúdіktі ýaqytsha ustaý ızolıatoryna qamalyp, ekі aı merzіmge qamaýda ustaý týraly sheshіm qabyldanǵan.
Quqyq qorǵaý organdary qazіrgі ýaqytta іstіń barlyq mán-jaıyn jan-jaqty, tolyq árі obektıvtі anyqtaýǵa baǵyttalǵan tergeý áreketterіn júrgіzіp jatyr.
Ádіlethan Moldahannyń ustalǵany 31 naýryz kúnі belgіlі bolǵan edі. Sol kezde polıtsııa ony jalǵan aqparat taratý deregі boıynsha ýaqytsha ustaý ızolıatoryna jetkіzіlgenіn málіmdegen.
Sońǵy ýaqytta bloger áleýmettіk jelіlerde Almatydaǵy ál-Farabı dańǵylynda bolǵan, úsh adamnyń ómіrіn qıǵan rezonansty jol-kólіk oqıǵasyn belsendі túrde talqylap júrgen.
Material avtory
