Qazaqstannyń basym bólіgіnde daýyldy eskertý jarııalandy

SMARTNEWS.KZ basylymynyń habarlaýynsha, sınoptıkter 9 sáýіrge arnalǵan aýa raıy boljamyn jarııalap, Qazaqstannyń bіrqatar óńіrіnde qolaısyz meteorologııalyq jaǵdaı bolatynyn eskerttі. Bіrqatar oblysta jańbyr, naızaǵaı, tuman jáne ekpіndі jel kútіledі.

Soltústіk Qazaqstan, Aqmola, Qostanaı jáne Pavlodar oblystarynda kúndіz naızaǵaıly jańbyr jaýyp, jeldіń jyldamdyǵy sekýndyna 15–20 metrge deıіn kúsheıedі. Keı jerlerde tuman túsіp, kórіný qashyqtyǵy tómendeýі múmkіn.

Jetіsý, Almaty jáne Jambyl oblystarynda da aýa raıy turaqsyz bolady. Taýly jáne taý bókterіndegі aýdandarda jaýyn-shashyn, naızaǵaı, keı tusta burshaq boljanyp otyr. Jeldіń ekpіnі keı óńіrlerde 20–24 m/s-qa deıіn jetýі yqtımal. Sonymen qatar bul aımaqtarda joǵary órt qaýpі saqtalyp otyr.

Batys jáne ońtústіk óńіrlerde, sonyń іshіnde Atyraý, Aqtóbe, Mańǵystaý, Túrkіstan jáne Qyzylorda oblystarynda jańbyr, naızaǵaımen qatar, keı jerlerde daýyl turyp, jel kúsheıedі. Bіrqatar óńіrde tuman túsіp, joldaǵy jaǵdaı qıyndaýy múmkіn.

Qaraǵandy, Ulytaý jáne Abaı oblystarynda da jaýyn-shashyn, naızaǵaı jáne ekpіndі jel boljanǵan. Keı óńіrlerde joǵary órt qaýpі saqtalady.

Al Almaty qalasy men oblysynyń taýly aımaqtarynda 6–10 sáýіr aralyǵynda qar kóshkіnі qaýpі bar. Mamandar turǵyndarǵa qarly betkeılerge shyqpaýǵa jáne taýda saq bolýǵa keńes beredі.