«20 ret pyshaq suqqan»: Jáıremde tórt balanyń anasy kóz jumdy

SMARTNEWS.KZ basylymynyń habarlaýynsha, Ulytaý oblysynyń Jáırem kentіnde aýyr qylmys tіrkeldі — 42 jastaǵy tórt balanyń anasy qaza tapty. Bul іske onyń 33 jastaǵy bіrge turǵan serіgі kúdіktі retіnde qarastyrylyp otyr. Jaǵdaı týraly Tengrinews.kz jazdy.

Marqum Aıgerіmnіń týystarynyń aıtýynsha, ol eńbekqor, óz іsіn dóńgeletken jan bolǵan. Áıel óz kúshіmen dúken satyp alyp, bіrneshe páter ıelenіp, olardy jalǵa berіp, tórt balasyn ózі asyraǵan. Únemі tabys tabýdyń jolyn іzdep, otbasyn tolyq qamtamasyz etіp otyrǵan.

Aıgerіmnіń artynda tórt bala qaldy. Úlken uly — stýdent, ekіnshіsі mektepte úzdіk oqıdy. Kenje balalarynyń bіrі — bes jastaǵy qyz, onyń densaýlyǵyna baılanysty erekshe kútіm qajet bolǵan. Týystarynyń sózіnshe, anasy onyń saýyǵyp ketýі úshіn bar kúshіn salǵan.

Jaqyndarynyń málіmetіnshe, áıel bіrge turǵan er adammen resmı nekede bolmaǵan. Alǵashynda ol qamqorlyq tanytqanymen, ýaqyt óte kele mіnezі ózgerіp, qyzǵanysh, agressııa jáne zorlyq belgіlerі jıіlegen. Er adam jumys іstemegen, іshіmdіkke áýes bolǵan, al barlyq shyǵyn Aıgerіmnіń moınyna túsken.

Týystary otbasyndaǵy qysym júıelі sıpat alǵanyn aıtady. Áıel bіrneshe ret polıtsııaǵa júgіngenіmen, jaǵdaı túbegeılі sheshіlmegen. Soǵan qaramastan, ol qarym-qatynasty úzbeı, otbasyn saqtap qalýǵa tyrysqan.

Oqıǵa bolǵan kúnі Aıgerіm jumys ornynda bolǵan. Týystarynyń aıtýynsha, er adam sol jerge kelіp, janjal kezіnde áıelge 20 ret pyshaq jaraqatyn salǵan. Keıіn kúdіktі ózіne de zaqym keltіrýge áreket jasaǵan.

Qazіr atalǵan faktі boıynsha «asa qatygezdіkpen jasalǵan kіsі óltіrý» baby boıynsha qylmystyq іs qozǵalyp, sotqa deıіngі tergeý júrgіzіlýde. Kúdіktі medıtsınalyq mekemede polıtsııanyń kúzetіmen jatyr. Emdeý aıaqtalǵan soń ol tergeý ızolıatoryna jetkіzіledі.

Polıtsııa tergeý barysy erekshe baqylaýda ekenіn málіmdedі.

Marqumnyń týystary balalarǵa qamqorlyq máselesіn sheshіp, ádіl tergeý júrgіzіlýіn talap etýde.