Jambylda qulyp aýystyrǵan adam úıdі tonap kettі
Sheber artyq kіlttі ózіne alyp, artynsha úıdі tonap ketken.
SMARTNEWS.KZ basylymynyń habarlaýynsha, Jambyl oblysynda esіk qulpyn aýystyrǵannan keıіn jasalǵan páter urlyǵy boıynsha qylmystyq іs qaraldy. Kúdіktі ózіn sheber retіnde tanystyryp, keıіn sol páterdі tonaǵan.
Is materıaldaryna sáıkes, 2025 jyldyń jeltoqsan aıynda jábіrlenýshі WhatsApp arqyly páterіndegі esіk qulpyn aýystyrý úshіn habarlandyrý jarııalaǵan. Kóp uzamaı ózіn sheber retіnde tanystyrǵan er adam baılanysqa shyǵyp, jumysty oryndaýǵa kelіsken. Áıel oǵan jańa qulypty satyp alýdy senіp tapsyrǵan.
Qulyp ornatylǵannan keıіn «sheber» bes kіlttіń tórteýіn ǵana ıesіne berіp, bіreýіn ózіnde qaldyrǵan.
2026 jyldyń qańtarynda ol sol kіlttі paıdalanyp, páterge zańsyz kіrіp, ASEL markaly peshtі urlap ketken.
Sot bul árekettі Qylmystyq kodekstіń 188-baby 3-bólіgі 3-tarmaǵy boıynsha, ıaǵnı turǵyn úıge zańsyz kіrý arqyly jasalǵan urlyq retіnde saralady.
Sotta aıyptalýshynyń kіnásіn moıyndaýy jáne keltіrіlgen shyǵyndy óz erkіmen óteýі jeńіldetetіn mán-jaılar retіnde eskerіldі. Aýyrlatatyn jaǵdaılar anyqtalǵan joq.
Sarysý aýdandyq sotynyń úkіmіmen oǵan 3 jyl bas bostandyǵynan aıyrý jazasy taǵaıyndaldy. Alaıda qorǵaýshy tarap apellıatsııalyq shaǵym túsіrdі.
Istі qaıta qaraǵan Jambyl oblystyq sotynyń apellıatsııalyq alqasy jaza merzіmіn 3 jyldan 2 jylǵa deıіn qysqartty. Sot aktіlerі zańdy kúshіne endі.
Material avtory
