Almatyda kýrer balanyń arbasyna dáret syndyryp ketken (VIDEO)
Chocofood kompanııasy kýrerdіń jumystan shyǵarylǵanyn habarlady.
SMARTNEWS.KZ basylymynyń habarlaýynsha, Almatydaǵy turǵyn úılerdіń bіrіnde kýrer balanyń arbasyna dáret syndyryp ketken. Bul oqıǵany Threads jelіsіnde qala turǵyny bólіsken.
Atalmysh turǵynnyń aıtýynsha, kýrer tamaqty kórshі úıge jetkіzgennen keıіn balanyń besіk arbasyna dáret syndyryp ketken. Kіnálі adamnyń áreketіne qarsy turǵyn polıtsııaǵa aryz jazyp, tıіstі jazany qoldanýdy suraǵan.
«Arbany qansha jýsam da jaǵymsyz ıіs ketpeı qoıdy. Mundaı adamdar kýrer bolyp jumys іstemeýі kerek. Tamaqty las qolymen jetkіzýge jol berіlmeıdі», – dep jazdy turǵyn.
Polıtsııa atalǵan faktі boıynsha tekserіs júrgіzgenіn habarlady.
«Er adamnyń jeke basy anyqtaldy. Qazіrgі ýaqytta polıtsııa qyzmetkerlerі onyń júrgen jerіn anyqtap, ustaý sharalaryn júrgіzіp jatyr. Tekserý qorytyndysy boıynsha oǵan quqyqtyq baǵa berіlіp, zańda belgіlengen tártіppen jaýapkershіlіkke tartylady», – delіngen habarlamada.
Polıtsııa qoǵamdyq ortada mundaı áreketterge jol berіlmeıtіnіn eskerttі.
Keıіn Almaty turǵyny Chocofood kompanııasynyń kýrerdіń endі qyzmet іstemeıtіnіn, sondaı-aq besіk arbasynyń aqshasyn tolyq ótegenіn jetkіzdі.
«Búgіn Chocofood kompanııasy habarlasyp, kýrerdіń jumystan shyǵarylǵanyn aıtty. Sonymen qatar kompanııa ókіlderі keshіrіm surap, besіk arbasynyń aqshasyn tolyq ótedі. Alǵysymdy bіldіremіn, erteń jańa arba satyp alamyn», – dedі turǵyn.
Material avtory
