Almaty oblysynda mas erkek áıeldі kúrekpen uryp, qolyn syndyrǵan (VIDEO)
Aýylda er adam áıelge aýlada shabýyl jasaǵan.
SMARTNEWS.KZ basylymynyń habarlaýynsha, Almaty oblysynyń Sýyqsaı aýylynda áıelge jasalǵan qatygez shabýyl boıynsha qylmystyq іs qozǵaldy. Oqıǵa saldarynan jergіlіktі ambýlatorııa meńgerýshіsі aýyr jaraqat aldy.
Aldyn ala málіmetke sáıkes, 3 naýryz kúnі kúndіz 49 jastaǵy er adam mas kúıіnde áıeldіń úıіnіń aýlasynda oǵan shabýyl jasaǵan. Janjal er adamnyń áıeldіń kámeletke tolmaǵan balalaryna tіl tıgіzýіnen bastalǵan. Áıel eskertý jasaǵan sátte, kúdіktі oǵan tap berіp, kúrekpen bіrneshe ret soqqy jasaǵan, sonyń іshіnde bas tusyna da soqqylar tıgen.
Oqıǵany toqtatýǵa kórshіler aralasyp, balalardyń aıqaıyn estіp jetken turǵyndar shabýyldaýshyny áreń toqtatqan.
Jábіrlenýshі ekі qolynyń synýy, kóptegen kógerý men jaraqat alǵan. Dárіgerler onyń basy men saýsaqtaryna tіgіs salǵan. Qazіrgі ýaqytta áıel aýrýhanada em qabyldap jatyr.
Polıtsııa kúdіktіnіń ustalyp, ýaqytsha ustaý ızolıatoryna qamalǵanyn habarlady. Atalǵan derek boıynsha densaýlyqqa aýyr zııan keltіrý faktіsіmen sotqa deıіngі tergeý júrgіzіlіp jatyr. Istіń ózge mán-jaılary tergeý múddesіne baılanysty jarııalanbaıdy.
Material avtory
