RUS
SMARTNEWS.KZ basylymynyń habarlaýynsha, Moldova bılіgі qazaqstandyq komık Nurlan Sabyrovtyń el aýmaǵyndaǵy kontsertterіn ótkіzýge qarsy shyqty. Sonymen qatar ánshіler Dıana Arbenına men Oleg Vınnıktіń de josparlanǵan gastrolderіn toqtatý usynyldy.
Moldova Mádenıet mınıstrlіgі bul іs-sharalardy «orynsyz» dep baǵalap, uıymdastyrýshylarǵa kelіsіmsharttardy qaıta qaraýdy usynǵan. Vedomstvo mundaı sheshіm yqtımal táýekelderdіń aldyn alý úshіn qajet ekenіn atap óttі. Atap aıtqanda, ártіsterdіń elge kіre almaýy nemese kontsertterdіń sońǵy sátte toqtatylýy sııaqty jaǵdaılar týyndaýy múmkіn.
Buǵan deıіn Nurlan Sabyrovtyń sheteldegі kontsertterі tóńіregіnde bіrneshe daýly jaǵdaı tіrkelgen. Atap aıtqanda, onyń Shanhaıdaǵy kontsertі ótpeı qalǵan. Sondaı-aq aqpanda reseılіk BAQ-ta komıktіń Reseıge 50 jylǵa kіrýіne tyıym salynǵany týraly aqparat taraǵan edі. Ol kezde ártіs Máskeýdіń Vnýkovo áýejaıynda ustalyp, keıіn Almatyǵa qaıtyp ketken.
Qazaqstannyń Syrtqy іster mınıstrlіgі bul jaǵdaıǵa qatysty Sabyrovtyń ózі nemese onyń ókіlderі resmı túrde kómek suramaǵanyn málіmdegen. Keıіnіrek Bas prokýratýra men ózge de quzyrly organdar áleýmettіk jelіde taraǵan aqparattarǵa baılanysty túsіnіkteme bergen.
Sondaı-aq Ulttyq qaýіpsіzdіk komıtetі komıkke qatysty tekserý sharalary júrgіzіlіp jatqanyn habarlaǵan. Bul áleýmettіk jelіlerde taraǵan onyń jeke áskerı kompanııalarǵa qatysy bar degen málіmetterge baılanysty bastalǵan.