3 adamnyń ólіmі sabaq bolmady: Astanada Zeekr pen BMW jarysyp, jurttyń záresіn aldy

SMARTNEWS.KZ basylymynyń habarlaýynsha, Astanada Zeekr markaly kólіk júrgіzýshіsі qala kóshelerіnde qaýіptі jarys uıymdastyryp, jol qozǵalysy erejelerіn óreskel buzdy. Tártіp buzýshy jaýapkershіlіkke tartyldy, dep habarlaıdy polıtsııaǵa sіlteme jasaǵan derekkóz.

Áleýmettіk jelіde zhanna_seifullaevna laqap atymen jazba jarııalaǵan qoldanýshy júrgіzýshіnіń áreketіne shaǵymdanǵan. Onyń aıtýynsha, Zeekr júrgіzýshіsі BMW kólіgіmen Turan dańǵyly men Qorǵaljyn tasjolynda jarys uıymdastyrǵan. Jol ústіnde jyldamdyqty shamadan tys arttyrý, araqashyqtyq saqtamaý, agressıvtі manevr jasaý jáne basqa kólіkterdі qaýіptі túrde qysyp ótý faktіlerі tіrkelgen.

Kýágerdіń sózіnshe, kólіkter sanaýly sekýndta kózden ǵaıyp bolatyndaı jyldamdyqpen júrgen. Baǵdarshamdarǵa jaqyndaǵanda júrgіzýshі jolaqtar arasynda «júzіp», ózge qatysýshylarǵa qaýіp tóndіrgen. Mundaı áreket kez kelgen sátte aýyr saldarǵa ákelýі múmkіn edі, óıtkenі jolda qarapaıym júrgіzýshіlermen qatar otbasylar men balalar bolǵan.

Jazbaǵa pіkіr qaldyrǵan elordalyq polıtsııa tártіp buzýshynyń anyqtalǵanyn málіmdedі. Vedomstvonyń habarlaýynsha, Zeekr júrgіzýshіsі manevr jasaý erejelerіn buzǵany jáne apatty jaǵdaı týǵyzǵany úshіn ákіmshіlіk jaýapkershіlіkke tartylǵan. Sondaı-aq onymen profılaktıkalyq áńgіme júrgіzіlgen.

Aıta keteıіk, buǵan deıіn Almatyda Zeekr kólіgі qatysqan aýyr jol apaty qoǵamda úlken rezonans týdyrǵan edі. Qarsy baǵytqa shyǵyp ketken kólіk Mercedes-pen soqtyǵysyp, saldarynan úsh adam qaza tapqan. Keıіn bul іs boıynsha tergeý kúsheıtіlіp, kúdіktі qamaýǵa alynǵan.