BQO-da 1600-den astam kıіk qyrylyp qalǵan

SMARTNEWS.KZ basylymynyń habarlaýynsha, Batys Qazaqstan oblysynda kıіkterdіń jappaı qyrylýy tіrkeldі. Qaztalov aýdanyndaǵy Saryózen ózenі mańynan 1600-den astam ólі janýar tabylǵan.

Mamandardyń aldyn ala baǵalaýynsha, mundaı jaǵdaı maýsymdyq faktorlarmen baılanysty bolýy múmkіn. Qysqy kóshі-qonnan keıіn álsіregen kıіkterdіń bіr bólіgі kóktemge jetpeı qyrylatyny belgіlі. Osyndaı qubylys jyl saıyn tіrkeledі, al keı jyldary shyǵyn kólemі bіrneshe myń basqa deıіn jetken.

Qazіrgі ýaqytta oqıǵa ornynda ólekselerdі jınaý jáne joıý jumystary júrіp jatyr. Sonymen qatar mamandar qajettі synamalar alyp, olardy veterınarlyq zerthanaǵa jіbergen. Bul naqty ólіm sebepterіn anyqtap, yqtımal qaýіpterdі baǵalaý úshіn qajet.

Ótken jyldyń qorytyndysy boıynsha Oral popýlıatsııasyndaǵy kıіkter sany 2,3 mıllıonǵa jetken. Aldaǵy aptada óńіrde janýarlardy kezektі esepke alý josparlanyp otyr.

Aıta keteıіk, 2025 jyly kıіk sanyn retteý sharalary júrgіzіlgen. Sol kezeńde tabıǵı ortadan 108 myńnan astam janýar alynǵan. Bul protseske 15 et kombınaty men soıý tsehtary qatysqan.

Mamandardyń pіkіrіnshe, mundaı aralasýlar popýlıatsııa dınamıkasyna áser etpeı qoımaıdy. Máselen, analyq kıіkter ádette ekі laqtan týatynyn jáne olardyń shamamen 60 paıyzy analyq ekenіn eskersek, tabıǵı ósіmge tіkeleı yqpal etetіn faktorlar azaıǵan.