Elordada qolynda qandy baltasy bar er adam turǵyndardy dúrlіktіrdі (VIDEO)
Er adam tanysynyń páterіnde alkogol іshkennen keıіn agressıvtі áreketke barǵan.
SMARTNEWS.KZ basylymynyń habarlaýynsha, Astanada kópqabatty úıdіń kіreberіsіnde qolyna balta ustap júrgen er adamnyń vıdeosy áleýmettіk jelіde taralyp, turǵyndardy shoshytty. Polıtsııa kúdіktіnі jedel ustap, jaýapqa tartty.
Qalalyq polıtsııa departamentіnіń málіmetіnshe, 31 jastaǵy er adam ustalyp, bólіmshege jetkіzіlgen. Tekserý barysynda onyń tanysynyń páterіnde jóndeý jumystary júrіp jatqan jerde bolǵany anyqtalǵan. Bіrge alkogol іshkennen keıіn ol agressıvtі mіnez tanytyp, qurylys quralyn qolǵa alǵan.
Keıіn podezde júrіp, er adam áınektі syndyrǵan. Sonyń saldarynan ózі jaraqat alǵan. Oǵan medıtsınalyq kómek kórsetіldі. Basqa turǵyndar zardap shekken joq.
Quqyq qorǵaý organdary onyń áreketіn toqtatyp, ákіmshіlіk jaýapkershіlіkke tartty. Sot sheshіmіmen ol qoǵamdyq orynda mas kúıde júrgenі jáne usaq buzaqylyq jasaǵany úshіn 15 táýlіkke ákіmshіlіk qamaýǵa alyndy.
Material avtory
