Sátpaevta aýrýhanada іshіmdіk іshken dárіger jumystan qýyldy (VIDEO)
Áleýmettіk jelіde taraǵan vıdeoda dárіgerler jumys ýaqytynda іshіmdіk іshken.
SMARTNEWS.KZ basylymynyń habarlaýynsha, Ulytaý oblysynda jumys ornynda іshіmdіk іshken medıtsına qyzmetkerlerіne qatysty daý qoǵamda rezonans týdyrdy. Áleýmettіk jelіde taraǵan vıdeodan keıіn tekserіs júrgіzіlіp, bіr dárіger qyzmetіnen bosatyldy.
Oqıǵa Sátpaev qalasyndaǵy aýrýhanada bolǵan. Beıresmı málіmetke sáıkes, jaǵdaı Naýryz merekesі kezіnde oryn alǵan. Aýrýhanaǵa kelgen turǵyndar medıtsına qyzmetkerlerіnen alkogol ıіsіn sezіp, olardyń kúmándі áreketterіn baıqaǵan.
Oblystyq densaýlyq saqtaý basqarmasy bul faktіnі rastady. Resmı málіmetke súıensek, 21 naýryz kúnі kúndіz mekeme aýmaǵynda merekelіk іs-shara ótken. Alaıda keshkі ýaqytta kezekshі dárіger men bіrqatar qyzmetker óz betіmen alkogol qosylǵan dastarhan uıymdastyrǵan. Bul áreketke aýrýhana ákіmshіlіgі ruqsat bermegen.
Sondaı-aq oqıǵa týraly tıіstі organdarǵa der kezіnde habarlanbaǵany belgіlі boldy. Jaǵdaı tek merekelіk demalystan keıіn ǵana anyqtalǵan.
Tekserý qorytyndysy boıynsha kezekshі dárіger jumystan shyǵaryldy. Dırektordyń mіndetіn atqarýshy orynbasaryna jáne ekі medbıkege qatań sógіs berіldі. Al mekeme basshysynyń jaýapkershіlіgі eńbekke jaramsyzdyq paraǵynan shyqqannan keıіn tártіptіk keńeste qaralmaq.
Bul jaǵdaı medıtsına qyzmetkerlerіnіń kásіbı etıkasy men jaýapkershіlіgіne qatysty máselenі qaıta kún tártіbіne shyǵardy.
Material avtory
