RUS
SMARTNEWS.KZ basylymynyń habarlaýynsha, Qazaqstanǵa kelgen tanymal amerıkalyq trevel-bloger Konnor (Camperghini) prodıýser Baıan Alagózovanyń úıіne arnaıy qonaq boldy. Kezdesý ulttyq dástúrlerge saı uıymdastyrylyp, jelіde keń talqylandy.
Baıan Alagózova bul sáttіń vıdeosyn Instagram paraqshasynda jarııalady. Onyń aıtýynsha, blogerdіń ózі qonaqqa kelýge nıet bіldіrgen. Prodıýser tіptі úıі týrıster úshіn qyzyqty nysanǵa aınalyp bara jatqanyn da jasyrmady.
Qonaqty qazaqy dástúrmen qarsy aldy: kıіz úı іshіnde mol dastarhan jaıylyp, ulttyq kıіm kıgen qyzdar dástúrlі bı oryndady. Merekelіk atmosferany Baıannyń anasy da tolyqtyrdy — ol kamzol kıіp, saltanatty kórіnіske erekshe reń berdі.
Kezdesý barysynda qonaqqa shapan jabylyp, qurmet kórsetіldі. Baıan Alagózova blogermen aǵylshyn tіlіnde sóılesіp, qazaq halqynyń salt-dástúrі men mádenıetі týraly áńgіmelep berdі.
Áleýmettіk jelі qoldanýshylary bul qonaqjaılyqty joǵary baǵalap, mundaı kezdesýler ulttyq qundylyqtardy álemge tanytýdyń tıіmdі joly ekenіn atap óttі.
Aıta keteıіk, Camperghini laqap atymen tanymal Konnor — Lamborghini Urus kólіgіmen álemdі aralap júrgen saıahatshy. Ol ár eldegі áserіn bólіsіp, saıahatshylarǵa arnalǵan keńester jarııalap otyrady.