Almatyda balalar poıyzǵa jarmasyp júrgen qaýіptі sát vıdeoǵa tústі (VIDEO)
Oqıǵanyń naqty ýaqyty men orny ázіrge anyqtalyp jatyr.
SMARTNEWS.KZ basylymynyń habarlaýynsha, Almatyda áleýmettіk jelіlerde úsh balanyń júk poıyzynyń syrtynan ustap, qozǵalys kezіnde bіrge júrgen sátі túsіrіlgen vıdeo tarady. Bul áreket olardyń ómіrіne tіkeleı qaýіp tóndіrgen.
Kadrlarda kámeletke tolmaǵandardyń júrіp bara jatqan poıyz vagondaryna jabysyp, qaýіptі jaǵdaıda qozǵalǵany kórіnedі. Oqıǵanyń naqty qaı jerde jáne qashan bolǵany ázіrge anyqtalyp jatyr.
Kólіktegі polıtsııa departamentіnіń habarlaýynsha, atalǵan beınejazba boıynsha tekserіs bastalǵan.
«Áleýmettіk jelіlerde taraǵan, qozǵalystaǵy quramnyń syrtynda júrgen adamdar beınelengen vıdeo faktіsі boıynsha materıal Almaty-1 stantsııasyndaǵy kólіktegі polıtsııa basqarmasynda tіrkeldі. Qazіr oqıǵanyń ýaqyty, orny jáne barlyq mán-jaıy, sondaı-aq qatysýshylardyń jeke tulǵalary anyqtalýda», — delіngen resmı habarlamada.
Tekserý qorytyndysy boıynsha barlyq qatysýshylardyń áreketіne zań aıasynda quqyqtyq baǵa berіledі.
Material avtory
