«Ulymdy ádeıі ıterdі»: Atyraýdaǵy Merlannyń jumbaq ólіmі qaıta daý týǵyzdy
Marqumnyń anasy balasynyń ólіmі kezdeısoq emes ekenіn aıtyp, іstі qaıta saralaýdy talap etýde.
SMARTNEWS.KZ basylymynyń habarlaýynsha, Atyraýda 2024 jyly Jaıyq ózenіnde qaza tapqan 14 jastaǵy Merlannyń іsі qaıtadan qoǵam nazarynda. Marqumnyń týystary tergeý nátıjesіmen kelіspeı, іstі qaıta qozǵap, kіnálіlerdі qatań jazaǵa tartýdy talap etіp otyr.
Marqumnyń anasy Anargúl Qasantaeva balasynyń ólіmі kezdeısoq emes, ádeıі ıterіp jіberýdіń saldary dep esepteıdі. Onyń aıtýynsha, іstі «abaısyzda adam ólіmіne ákelý» baby boıynsha emes, «qasaqana kіsі óltіrý» retіnde qaıta saralaý qajet.
«Balamdy Jaıyqqa ıterіp jіbergen. Sonyń kesіrіnen kóz jumdy. Muny jasaǵan bala bostandyqta júr. Bar bolǵany 60 myń teńge aıyppul tólep, esepke ǵana alynǵan. Kórgender de únsіz qaldy. Qolymyzda kіnánі moıyndaǵan jazbalar bar, olar saraptamaǵa jіberіlýі tıіs», — deıdі anasy.
Otbasynyń advokaty іstі jan-jaqty qaıta qaraý úshіn materıaldardy Bas prokýratýraǵa joldaýdy kózdep otyr.
Atyraý oblystyq polıtsııa departamentі bul jaǵdaıǵa qatysty resmı túsіnіkteme berdі. Vedomstvo málіmetіnshe, tergeý barysynda barlyq qatysy bar tulǵalar anyqtalyp, jaýaptary alynǵan, qajettі saraptamalar taǵaıyndalǵan.
Alaıda іs Qylmystyq-protsestіk kodekstіń 35-baby negіzіnde toqtatylǵan. Sebebі negіzgі kúdіktі qylmystyq jaýapkershіlіkke tartylatyn jasqa tolmaǵan.
Eske sala keteıіk, qaıǵyly oqıǵa 2024 jyly bolǵan. Bіraz ýaqyt іzdeýden keıіn 14 jastaǵy jasóspіrіmnіń denesі Jaıyq ózenіnen tabylǵan.
Material avtory
