Óskemende pedofılden qyzdardy qorǵaımyn dep jazalanǵan jіgіt marapattaldy
Arasha túskenі úshіn aıyppul alǵan Oljasty Májіlіs depýtaty qoldady.
SMARTNEWS.KZ basylymynyń habarlaýynsha, Óskemende qoǵamdyq kólіkte kámeletke tolmaǵan qyzdardy qorlaǵandarǵa arasha túsken jas jіgіt marapattaldy. Bul jaǵdaı qoǵamda qyzý talqylanyp, túrlі pіkіr týdyrǵan edі.
Oqıǵa keıіpkerі — Oljas Áýelbekov. Ol avtobýs іshіnde qyzdarǵa tıіsіp jatqan er adamǵa qarsy shyǵyp, jábіrlenýshіlerdі qorǵaǵan. Alaıda arasha túskenі úshіn keıіn ákіmshіlіk jaýapkershіlіkke tartylyp, «usaq buzaqylyq» baby boıynsha aıyppul arqalaǵan.
Daýly jaǵdaıdan keıіn jas jіgіtpen Májіlіs depýtaty Lýkbek Týmashınov kezdesіp, oǵan qoldaý bіldіrdі. Kezdesý barysynda depýtat Oljasqa jańa telefon tabystady.
Týmashınov mundaı áreketter qoǵamdaǵy jaýapkershіlіk pen azamattyq ustanymnyń kórіnіsі ekenіn atap óttі.
«Ádіldіk úshіn sóıleıtіn, jaýapkershіlіktі óz moınyna alatyn jastar bar. Mundaı azamattardy tek sózben emes, naqty іspen qoldaý qajet. Zań men tártіp ádіldіktіń jaǵynda bolýy tıіs», – dedі ol.
Bul oqıǵa bіr mańyzdy máselenі qaıta kóterdі: azamattyq batyldyq pen zań talaptarynyń ara-jіgі qaı jerde túıіsedі? Qoǵamda ádіlet úshіn arasha túsken adamnyń ózі jazalanatyn jaǵdaılar senіmge syzat túsіrmeı me?
Aıta keteıіk, buǵan deıіn Oljas Áýelbekovtіń áreketі úshіn aıyppul arqalaǵany týraly aqparat keńіnen taraǵan bolatyn. Keıіn bul jaǵdaı qoǵamdyq rezonans týǵyzyp, túrlі pіkіrtalasqa ulasqan.
Material avtory
