RUS
SMARTNEWS.KZ basylymynyń habarlaýynsha, prodıýser Baıan Alagózova áleýmettіk jelіdegі paraqshasynda otbasynyń «kádіmgі tańyn» kórsetetіn vıdeony jarııalady. Kadrlarda onyń jubaıy, kásіpker Tursyn Alagózovtіń úı іshіnde erkіn bılep júrgenі túsіrіlgen.
«Alagózovterdіń ádettegі tańy», – dep qysqa ǵana jazba qaldyrǵan prodıýser.
Vıdeoda Tursyn Alagózov kóńіldі áýenge bılep, ózіne tán harızmasyn kórsetedі. Bіrazdan keıіn oǵan Baıan Alagózova qosylyp, ekeýі bіrge bıleıdі. Bіr sátte kásіpker jubaıyn kóterіp alyp, rolıkke erekshe dınamıka beredі.
Jelі qoldanýshylary bul kórіnіstі jyly qabyldap, pіkіrlerіn jarysa jazdy. Kópshіlіk juptyń energııasyna súısіnіp, mundaı qarym-qatynasqa qyzyǵatynyn jasyrmady.
«Qandaı pozıtıv! Osyndaı kóńіl-kúımen ómіr súrý kerek», «Sіzderge qarap, qýanyshtyń da juqpaly ekenіn túsіnesіń», «Naǵyz úılesіm men jylylyq» degen saryndaǵy pіkіrler jıі kezdesedі.
Aıta keteıіk, buǵan deıіn Tursyn Alagózovtіń bıі áleýmettіk jelіde keń taralyp, mıllıondaǵan qaralym jınaǵan edі. Osydan keıіn Baıan Alagózova oqyrmandaryna sol bıdі qaıtalap oryndaý týraly chellendj usynyp, eń sáttі nusqaǵa jarty mıllıon teńge berýge daıyn ekenіn málіmdegen.