RUS
SMARTNEWS.KZ basylymynyń habarlaýynsha, Katar bılіgі Iranǵa shabýyldardy azaıtý úshіn aqsha tóledі degen aqparatty úzіldі-kesіldі joqqa shyǵardy. Bul týraly eldіń Syrtqy іster mınıstrlіgі resmı málіmdedі.
Vedomstvo ókіlі Májıd ál-Ansarı mundaı kelіsіmderdіń múlde bolmaǵanyn aıtyp, taraǵan aqparatty negіzsіz alypqashpa áńgіme dep atady.
«Iranmen shabýyldardy toqtatý úshіn qandaı da bіr tólem jasaý jónіnde eshqandaı kelіsіm bolǵan joq. Bul taqyryptaǵy barlyq málіmet shyndyqqa janaspaıdy», – dedі ol.
Sondaı-aq, Katar tarapy áskerı qaqtyǵys kezeńіnde elge baǵyttalǵan shabýyldar toqtamaǵanyn, tek bіtіm jarııalanǵannan keıіn ǵana saıabyrsyǵanyn atap óttі.
Eske sala keteıіk, 19 naýryzda Katar Syrtqy іster mınıstrlіgі Irannyń bіrqatar áskerı qyzmetkerі men elshіlіk ókіlderіn «persona non grata» dep jarııalap, el aýmaǵynan shyǵýyn talap etken bolatyn.
Sonymen qatar, sońǵy málіmetterge sáıkes, Iran bılіgі AQSh pen Izraıldіń operatsııasyna qatysy bar dep esepteletіn bіrqatar arab memleketterіnen ótemaqy talap etіp otyr. Tıіstі talaptar Bіrіkken Ulttar Uıymyna joldanǵan.
Tegeran Bahreın, Saýd Arabııasy, Katar, Bіrіkken Arab Ámіrlіkterі jáne Iordanııany jaýapkershіlіkke tartýdy talap etýde.