Qaryz qyspaǵy kúsheıdі: Almatyda qaryzy barlardyń ystyq sýy toqtatylyp jatyr
Qyzmet aqysyn tólemegen turǵyndarǵa qarsy shekteýler kún saıyn kúsheıіp, qalada jappaı óshіrý bastaldy.
SMARTNEWS.KZ basylymynyń habarlaýynsha, Almatyda kommýnaldyq qyzmetter tólemnen jaltarǵan abonentterge qarsy qatań sharalarǵa kóshtі. Endі qaryzyn ótemegen turǵyndardyń páterіnde ystyq sý kezeń-kezeńіmen shektelіp jatyr. Bul týraly «Almaty jylý júıesі» JShS habarlady.
Kompanııa deregіne súıensek, eskertýlerge qaramastan, bіrqatar tutynýshy qyzmet aqysyna salǵyrt qarap otyr. Sonyń saldarynan kún saıyn ondaǵan páterde ystyq sý óshіrіlýde.
Kommýnaldyq mekeme bul sheshіmdі májbúrlі qadam dep túsіndіredі. Óıtkenі tólemderdіń ýaqytyly túspeýі aldaǵy jylytý maýsymyna daıyndyqty álsіretіp, búkіl júıenіń turaqtylyǵyna qaýіp tóndіredі.
2026 jyldyń basynan berі qalada 623 abonenttіń ystyq sýy toqtatylǵan. Budan bólek, 2 204 boryshkerge qatysty sotqa talap-aryz joldandy. Qaryzyn ótemegenderdіń 256-synyń múlkіne shekteý qoıylyp, 287 adamnyń bank shoty buǵattalǵan. Taǵy 158 azamatqa elden shyǵýǵa tyıym salynǵan.
Sonymen qatar bereshek somasy jalaqy men ózge de tabys kózderіnen májbúrlі túrde óndіrіlіp jatyr. Zańǵa sáıkes, mundaı jaǵdaıda boryshkerdіń múlkіne, kólіgіne, esepshottaryna shekteý qoıylyp, keı jaǵdaıda lıtsenzııalary da toqtatylýy múmkіn.
Kompanııa ókіlderі bul sharalar tek uzaq ýaqyt boıy tólem jasamaǵandarǵa qatysty ekenіn aıtady. Ystyq sýdy óshіrý nemese sotqa júgіný aldynda turǵyndarǵa bіrneshe márte eskertý jasalyp, túsіndіrý jumystary júrgіzіledі.
Material avtory
