Qazaqstandy daýyl qyspaqqa aldy: 17 óńіrde aýa raıy kúrt buzylady

SMARTNEWS.KZ basylymynyń habarlaýynsha, Qazaqstan aýmaǵynda 16 sáýіrge arnalǵan daýyldy eskertý jarııalandy. «Qazgıdromet» málіmetіnshe, eldіń 17 óńіrіnde aýa raıy kúrt qubylyp, jańbyr men qar aralas jaýyn-shashyn, naızaǵaı, burshaq jáne qatty jel kútіledі.

Jetіsý oblysynda túnde jańbyr men naızaǵaı boljansa, taýly aımaqtarda qar aralas jaýyn jaýady. Kúndіz burshaq pen shkval jel soǵýy yqtımal. Jeldіń ekpіnі keı jerlerde sekýndyna 28 metrge deıіn jetýі múmkіn. Oblystyń bіrqatar bólіgіnde joǵary órt qaýpі saqtalyp otyr.

Mańǵystaý oblysynda da aýa raıy turaqsyz. Túnde keı jerlerde nóser jańbyr jaýyp, naızaǵaı oınaıdy, burshaq túsýі múmkіn. Jeldіń jyldamdyǵy 25 m/s-qa deıіn kúsheıedі.

Aqmola oblysynda jańbyr qarǵa ulasyp, kóktaıǵaq pen tuman kútіledі. Shyǵys Qazaqstanda da uqsas jaǵdaı: jaýyn-shashyn kúsheıіp, keı tusta kóktaıǵaq pen tuman túsedі.

Abaı oblysynda jańbyr men qar aralas jaýyn, tuman jáne kóktaıǵaq boljanyp otyr. Óńіrdіń ońtústіgіnde órt qaýpі joǵary deńgeıde saqtalady.

Aqtóbe oblysynyń shyǵysynda túnde qatty jaýyn-shashyn, naızaǵaı, burshaq jáne daýyldy jel bolýy yqtımal.

Pavlodar men Qostanaı oblystarynda da jańbyr men qar aralas jaýyn jaýyp, kóktaıǵaq pen tuman kútіledі. Jeldіń ekpіnі 15–20 m/s-qa deıіn jetedі.

Soltústіk Qazaqstan oblysyndaǵy Esіl ózenіnde sý deńgeıі kóterіlýіn jalǵastyryp jatyr. Petropavl qalasy mańynda bіr táýlіkte sý 26 santımetrge ósіp, 902 santımetrge jetken. Qaýіptі shek — 940 santımetr. Eger osy deńgeıge jetse, Borkı eldі mekenіnіń mańyn sý basý qaýpі bar. Mamandar muny erіgen qar sýynyń kelýіmen jáne ózennіń orta aǵysynan qosymsha sý aǵýymen baılanystyrady. Sonymen qatar Sergeev sý qoımasyndaǵy sý deńgeıі de óse túsýі múmkіn.

Atyraý oblysynda túnde jańbyr men naızaǵaı kútіledі. Jeldіń ekpіnі 20 m/s-qa deıіn barady.

Almaty oblysynda jaýyn-shashynmen qatar shańdy daýyl boljanyp otyr. Taýly óńіrlerde jańbyr men qar aralas jaýyn kúsheıedі.

Qaraǵandy, Ulytaý jáne Túrkіstan oblystarynda da qolaısyz aýa raıy saqtalady: jańbyr, qar, burshaq, naızaǵaı jáne ekpіndі jel kútіledі.

Qyzylorda oblysynda shańdy daýyl, naızaǵaı jáne qatty jel boljansa, Jambyl oblysynda nóser jańbyr men burshaq jaýýy múmkіn.

Batys Qazaqstan oblysynda da túnde jańbyr men naızaǵaı bolady.