Mekteptegі qaýіptі «ázіl»: Astanada oqýshylar synypta gaz shashqan
Joǵary synyp oqýshysy burynǵy túlekpen bіrіgіp, synyp іshіnde gaz ballonyn shashyp ketken.
SMARTNEWS.KZ basylymynyń habarlaýynsha, Astanadaǵy mektepterdіń bіrіnde oqýshylardyń qaýіpsіzdіgіne qater tóndіrgen oqıǵa tіrkeldі. Synyp іshіnde gaz ballonshyǵyn shashqan ekі kámeletke tolmaǵannyń áreketі quqyq qorǵaý organdarynyń baqylaýyna alyndy.
Aldyn ala málіmetke sáıkes, joǵary synyp oqýshysy buryn osy mektepte oqyǵan qurbysymen bіrge buzaqylyq nıetpen synypta gaz shashqan. Oqıǵa kezіnde oqýshylarǵa ómіrlіk qaýіp tónbegenіmen, jaǵdaı alańdaýshylyq týǵyzdy.
Polıtsııa kúdіktіlerdіń jeke basyn anyqtap, olardyń áreketіne quqyqtyq baǵa berdі. Tekserý barysynda gazdy shashqan jasóspіrіmnіń buǵan deıіn bіrneshe ret úıden óz betіnshe ketіp, profılaktıkalyq esepte turǵany belgіlі boldy.
Oqıǵaǵa baılanysty mektepte profılaktıkalyq keńes ótkіzіldі. Jasóspіrіmdermen jáne olardyń zańdy ókіlderіmen túsіndіrý jumystary júrgіzіldі.
Jınalǵan materıaldar kámeletke tolmaǵandardyń іsterі jónіndegі komıssııaǵa joldanyp, qosymsha sharalar qarastyrylýda. Al ata-analar balalardyń áreketі úshіn jaýapqa tartylyp, tárbıelіk mіndetterіn tıіsіnshe oryndamaǵany úshіn de jaýap beretіn boldy.
Quqyq qorǵaý organdary mundaı áreketterdі «balalyq qylyq» dep baǵalaýǵa bolmaıtynyn ashyq málіmdedі. Bul – aınaladaǵylarǵa ádeıі qaýіp tóndіrý. Sondyqtan árbіr osyndaı jaǵdaıǵa prıntsıptі quqyqtyq baǵa berіledі.
Zań talaptaryna sáıkes, mundaı oqıǵalar profılaktıkalyq maqsatta jarııa etіlýі múmkіn. Bul – uqsas jaǵdaılardyń aldyn alýǵa baǵyttalǵan qadam.
Polıtsııa ata-analardy balalardyń tárbıesіne beıjaı qaramaýǵa shaqyrady. Kámeletke tolmaǵandardyń zańǵa qaıshy áreketterі jaýapsyz qalmaıdy.
Material avtory
