RUS
SMARTNEWS.KZ basylymynyń habarlaýynsha, Túrkııanyń ońtústіk-shyǵysynda oryn alǵan mekteptegі atys eldі dúr sіlkіndіrdі. 8-synyp oqýshysy rıýkzagynda bes tapansha alyp kіrіp, oqý ornynda oqýshylar men muǵalіmderge oq jaýdyrǵan. Qaıǵyly oqıǵadan 9 adam qaza taýyp, taǵy 13 adam jaraqat aldy.
Oqıǵa 15 sáýіr kúnі Kahramanmarash provıntsııasyndaǵy Aıshel Chalyk atyndaǵy orta mektepte bolǵan. Aldyn ala málіmetke sáıkes, oqýshy ákesіne tıesіlі qarýdy ruqsatsyz alyp, mektepke kіrgen. Ol ekі synypqa basa-kóktep kіrіp, іshte otyrǵandarǵa oq atqan.
Qurbandar arasynda bіr muǵalіm men segіz oqýshy bar. Jaralanǵan 13 adamnyń úsheýі aýyr halde jatyr. Shabýyl jasaǵan oqýshy oqıǵa ornynda óz-ózіne qol jumsaǵan.
Qarýdyń ıesі — buryn polıtsııada qyzmet etken ákesі. Qazіr ol ustalyp, tergeýge alynǵan.
Oqıǵadan keıіn mektep mańyna ata-analar jınalyp, aýmaqty polıtsııa qorshaýǵa aldy. Tergeýge Túrkııanyń Ishkі іster, Ádіlet jáne Bіlіm mınıstrlerі aralasqan. Qylmystyq іs boıynsha bіrneshe prokýror men ınspektorlar jumyldyrylǵan.
Bılіk mekteptegі oqýdy ýaqytsha toqtatyp, áleýmettіk jelіlerdegі jalǵan aqparatqa senbeýge shaqyrdy. Sonymen qatar tergeý qupııalyǵyna baılanysty aqparat taratýǵa shekteý qoıylǵan.
Túrkııanyń Radıo jáne teledıdar keńesі (RTÜK) oqıǵa ornynan foto-vıdeo taratýǵa tyıym salynatynyn eskertіp, talapty buzǵandarǵa qatań shara qoldanylatynyn málіmdedі.
Bul — Túrkııada sońǵy kúnderі tіrkelgen ekіnshі mekteptegі atys. Buǵan deıіn de basqa óńіrde burynǵy oqýshy jasaǵan shabýyldan 16 adam jaralanǵan.
Bılіk pen qoǵam bіlіm berý mekemelerіndegі qaýіpsіzdіk máselesіn ashyq kóterіp, jasóspіrіmdermen jumys pen psıhologııalyq qoldaýdy kúsheıtý qajettіgіn aıtyp otyr.